මානව අයිතීන් සුරක්ෂිත කිරීම පිණිස ගෙන එන ලද ජාත්‍යන්තර නීතියක් උපයෝගී කර ගනිමින් හාර මාසයට වැඩි කාලයක් සිර කොට සිටී සම්මානලාභි ලේඛයෙකු ඇප මත නිදහස් කර තිබේ.
සමාජ මාධ්‍ය ඔස්සේ පළ කරන ලද කෙටිකතාවක් හේතුවෙන් සිවිල් හා දේශපාලන අයිතිවාසිකම් පිළිබඳ ජාත්‍යන්තර සම්මුතිය පිළිබද පනත (ICCPR) යොදා ගනිමින් ශක්තික සත්කුමාර 2019 අප්‍රේල් 1 වැනිදා පොල්ගහවෙල පොලිසිය විසින් අත්අඩංගුවට ගන්නා ලදී.
සත්කුමාර විසින් ෆේස්බුක් සමාජ මාධ්‍ය ජාලයේ පළකරන ලද ‘අර්ධ’ නමැති කෙටි ප්‍රබන්ධය මගින් ආගමික ද්වේශයට අනුබල සපයා ඇති බවට ප්‍රදේශයේ ශාසනාරක්ෂක බල මණ්ඩලය හා බුදු දහම රැකගැනීමේ යොවුන් පෙරමුණ නමින් තමන් හඳුන්වාගත් අන්තවාදී සංවිධානයක් විසින් කරන ලද පැමිණිල්ලක් මත ලේඛකයාට එරෙහිව නීතිය ක්‍රියාත්මක කරන ලදී.
ශක්ති සත්කුමාර නිදහස් කර ගැනීම වෙනුවෙන් දේශිය වශයෙන් මෙන්ම ජාත්‍යන්තර සංවිධාන වල මැදිහත් වීම මත ලොව පුරා උද්ඝෝෂණ ව්‍යාපාරයක් දියත්ව තිබුනි.
හාර මාසයකට වැඩි කාලයක් තිස්සේ සිරගත කර සිටි ලේඛකයා ලක්ෂයක මුදල් ඇප සහ ශරීර ඇප දෙකක් මත මුදා හැරීමට 05 සඳුදා කුරුණෑගල මහාධිකරණය තීන්දු කළේය.
2010 සහ 2014 වසරවල දී ජාතික යෞවන සම්මාන උළෙලේදී හොඳම කෙටිකතාකරුවා වශයෙන් සම්මාන ලද ශක්තික සත්කුමාර, වයඹ පළාත් සභාව මගින් සංවිධානය කළ පළාත් රාජ්‍ය සාහිත්‍ය උත්සවයන්හි දී දෙවරක් සම්මානයට පාත්‍ර වී ඇත.
Facebook Comments
