පාර්ලිමේන්තු මන්ත්‍රීවරුන්ට ලබා දෙන තීරු බදු රහිතව වාහන මිලදී ගැනීමේ බලපත්‍රය විකුණා පොල් වත්තක් මිලදී ගත් එජාප මන්ත්‍රීවරයෙක් පිළිබඳව සිලෝන් ජර්නල්ස් වෙත වාර්තා වනවා.
නවක මන්ත්‍රීවරයෙක් ලෙස පළමුවරට පාර්ලිමේන්තුවට පුත්තලම දිස්ත්‍රික්කයෙන් පත් වන මෙම මන්ත්‍රීවරයා ප්‍රදේශිය සභාවෙන් පළාත් සභාවට ගොස් ඉතා කෙටි කලදී පාර්ලිමේන්තු යාමට වරම් ලබා ගත්තේය.
රනිල් විරෝධි මන්ත්‍රීවරයෙක් ලෙස එකළ ප්‍රකටව සිටි මෙම මන්ත්‍රීවරයා එජාප ලයිස්තුවෙන් අවසානයට පුත්තලම දිස්ත්‍රීක්කයෙන් තේරී පත් වී ඇති අතර තමන් ලද පළමු වාහන බලපත්‍රය මෙලෙස තම හිතවත් රා ව්‍යාපරිකයෙකුට විකුනා දමා ඇත.
කෝටියකට වැඩි මුදලකට එම බලපත්‍රය විකුණා දමා ඇති මෙම මන්ත්‍රීවරයා එම මුදලින් අක්කර 10ක පොල් වත්තක් මිලදී ගෙන ඇති බවටයි සිලොන් ජර්නල්ස් වෙත වාර්තා වන්නේ.
පාර්ලිමේන්තුවට පත් වු වහාම මෙම මන්ත්‍රීවරයා කෝටියට අධික මුදලක් ගෙවා සුඛෝපබෝගි නිවසක්ද මිලයට ගෙන ඇති බව ආරංච් මාර්ග පවසයි.
ජනතාවට බෙදා දීමට ගත් ඉඩමක් තමන්ගේ නමට හරවා ගත් බවට ද මෙම මන්ත්‍රීවරයා හට චෝදනා එල්ල වී ඇති අතර ඉතා කෙටි කාලයකදී ආසනයේ ජනතාවගේ අප්‍රසාදයට මන්ත්‍රීවරයා පත් වී ඇත.
තම හිතවතුන් සමඟ එක්ව පරිසරය විනාශ කරන විවිධ ජාවාරම් වලට ද මෙම මන්ත්‍රීවරයා සම්බන්ධ බවටද අප වෙත තොරතුරු ලැබී අතර ඒ පිළිබඳව නම් ගම් සහිතව අප ඉදිරියේදී හෙළිදරව් කරන්නෙමු.
Facebook Comments
