මඩකලපුවේ දෙමළ මාධ්‍යවේදීන්ට මරණ තර්ජන

0
411
Ivory Agency Sri Lanka
wedding people
Loading...

දෙමළ මාධ්‍යවේදීන් හට මරණ තර්ජන කරමින් අත්පත්‍රිකා තොගයක් මඩකලපුව මාධ්‍ය සංගම් මුලස්ථානයට රහසේ ගෙනත් දමා තිබේ.

සන්ඩේ ලීඩර් පුවත් පතේ හිටපු කතෘ ලසන්ත වික්‍රමතුංගගේ නැගෙනහිර අනුස්මරණ අවස්ථාවක ගන්නා ලද ඡායාරූපය එම අවස්ථාවට සහභාගී වු මාධ්‍යෙවේදීන්ගේ මුහුණු රවුම් කර ඔවුන්ට තර්ජනය එල්ල කර ඇත.

“පරිස්සම් වෙන්න, පරිස්සම් වෙන්න මේ ඉන්නේ පිටරට ඉන්නට කොටින්ගෙන් සල්ලි ලැබෙන වාර්තාකරුවන්. ඔවුන්ට ලඟදීම මරණ දඬුවම ලබා දෙනවා,” යි එම තර්ජනාත්මක අත් පත්‍රිකා වල සඳහන් කර තිබේ.

ස්වාධීන රූපවාහිනියේ ක්‍රිෂ්ණකුමාර්, ලංකා ශ්‍රී ආයතනයේ සෙල්වකුමාර් නිලන්තන්, සිරස රූපවාහිනියේ පුන්‍යමුර්ති සසිකරන්, ශක්ති නාළිකාවේ කුහර්ෂ සුපෝජන් හා නල්ලතම්බි නිත්‍යනාදන් මෙන්ම තිනකුරල් පුවත් පතේ වඩිවෙල් ශක්තිවේල් සහ සුබ්‍රමනියම් කුනලිංගම් මෙසේ තර්ජනයට ලක්ව ඇති මාධ්‍යවේදීන් වේ.

මහින්ද රාජපක්ෂ පාලන සමයේදී උතුරේත් දකුණේත් ඝාතනය වු සහ අතුරුදහන්වු මාධ්‍යවේදීන් වැඩිම ප්‍රමාණයක් අතුරුදහන් වී ඇත්තේ ජනවාරි මාසයේදී ය.

ඝාතනයට ලක්වු මාධ්‍යවේදීන් අනුස්මරණය කිරීමට 25 සෙනසුරාදා සැමැරුමක් පැවැත්වීමට ද මඩකලපුව මාධ්‍ය සංගමය කටයුතු සුදානම් කර ඇති අවස්ථාවක මෙසේ මරණ තර්ජන එල්ල වී තිබේ.

ජනාධිපති ගෝඨාභය රාජපක්ෂ ආරක්ෂ ලේකම් ධුරය දරන සමයේදී ඝාතන සහ පැහැරගැනීම් ඇතුළු පීඩාවලට රට තුලදී ලක්වූ මාධ්‍යවේදීන් ගණන 44 ක් බව ශ්‍රී ලංකාවේ ප්‍රජාතන්ත්‍රවාදය සඳහා මාධ්‍යවේදියෝ (JDS) විසින් සම්පාදනය කරන ලද වාර්තාවක දැක්වේ.

ඉන් වැඩි ප්‍රමාණයක් උතුරේ දෙමළ මාධ්‍යවේදීන්ය.

Facebook Comments

Loading...