වසර කිහිපයක් තිස්සේ දෙමළ ජනතාව වෙනුවෙන් රජය හමුවේ ප්‍රකාශ කළ අදහස් සිංහල ජනතාව වෙත ඉදිරිපත් කිරීම ‘දෙමළ පිබිදීම’ බහුජන උද්ඝෝෂණයේ ප්‍රධාන අරමුණක් බව උතුරේ මහ ඇමැතිවරයා යාපනයේදී සිංහල මාධ්‍යවේදීන් හමුවේ ප්‍රකාශ කර සිටියේය.
‘දෙමළ පිබිදීම’ රැලියේදී ඉදිරිපත් කරනු ලබන්නේ සිව් වසරකට ආසන්න කාලයක් දෙමළ ජනතාව සමග ගැවසී හඳුනාගත් ගැටළු බව මහ ඇමැති සීවී විග්නේස්වරන් ප්‍රකාශ කළේ.
උතුරු නැගෙනහිර දෙමළ ජනතාව මුහුණ දෙන ගැටළු කිහිප වර ප්‍රකාශ කර ඇති අවස්ථාවලදී ඒවා විසඳන බවට රජය දුන් පොරොන්දු ඉටුවී නැති බව කී උතුරේ මහා ඇමැති වරයා ඉදිරියේදී රජය ඒ සම්බන්ධයෙන් විසඳුම් ඉදිරිපත් කිරීම පිලිබඳ පළ කළේ දැඩි අවිශ්වාසයකි.
සිංහල ජනතාව සහ යුද හමුදාව පමණක් නොව බෞද්ධ භික්ෂුන් වහන්සේද දෙමළ ජනතාවගේ අදහස් දැනගැනීමේ අවශ්‍යතාව පළ කොට සිටියේය.
තමන් ප්‍රකාශ කරන අදහස් වල යම් වරදක් දකින්නේ නම් ඒ සම්බන්ධයෙන් සංවාදයකට එළඹෙන ලෙස ආරාධනයක්ද කළ මහ ඇමැති වරයා තම අදහස් විකෘති කිරීමකින් තොරව පළ කරන ලෙස සිංහල ජනමාධ්‍යවේදීන්ගෙන් විශේෂ ඉල්ලීමක්ද කළේය.
(Radio gagana)
Facebook Comments
