හැට නම ලක්ෂයකට වැඩි දකුණේ අති බහුතර ජන්ද ප්‍රමාණයක් ලබා ගනිමින් ශ්‍රී ලංකාවේ ජනාධිපති ධුරයට පත්වු ශ්‍රී ලංකාවේ හත් වන විධායක ජනාධිපතිවරයා හට තම කාල සීමාව අවසන් නොකරම සිය ධුරයෙන් ඉවත් වී යන්නට සිදුවිය.
මාස ගණනාවක් තිස්සේ රට පුරා ඇවිලි ගිය විරෝධතාවල ප්‍රතිඵලයක් ලෙස ජුලි 09 වනදා දසදහස් සංඛ්‍යාත ජනතාවක් විසින් කොළඹ පිහිටි ජනාධිපති නිල නිවසට කඩා වැදීමත් සමඟ ගෝඨාභය රාජපක්ෂ ඉන් පලාගොස් සැඟව සිට මුලින්ම මාලදිවයිනටත් ඉන් පසුව සිංගප්පුරුවටත් පැන ගිය බවට විදෙස් මාධ්‍ය වාර්තා කර තිබුනි.
ආර්ථික අර්බුදයත්, දේශපාලන අර්බුදයත් හමුවේ ජනතාවගෙන් එල්ල වු දැඩි විරෝධයෙන් රටින් පලා ගිය ජනාධිපති නන්දසේන ගෝඨාභය රාජපක්ෂ සිය ධුර කාලයෙන් හරි අඩක් නිමා කිරීමට තිබියදී ජනාධිපති ධුරයෙන් ඉල්ලා අස්වු බව කතානායක මහින්ද යාපා අබේවර්ධන ජුලි 15 වනදා නිවේදනය කළේය.
ගෝඨාභය රාජපක්ෂ ජනාධිපති ධුරයෙන් ඉල්ලා අස්වීම ජුලි 14 වනදා සිට බලාත්මක බව කතානායවරයා වැඩිදුරටත් කියා සිටියේ.
Facebook Comments
