‍චෝදනා නොමැතිව ඊ නිව්ස් කර්තෘට එරෙහිව වරෙන්තු ගත නොහැකි

0

අධිකරණයේ චෝදනා ගොණුු නොකර ලංකා ඊ නිව්ස් කර්තෘට එරෙහිව ජාත්‍යන්තර ලබා ගැනීමට නොහැකි බව අපරාධ පරීක්ෂණ දෙපාර්තුමේන්තුව අද (09) අධිකරණයට දැනුම් දුන්නේය.

එම හේතුවෙන් ඔහු විරුද්ධව ජාත්‍යන්තර වරෙන්තු ලබා ගැනීමට ප්‍රතිපාදන නොමැති බවට අපරාධ පරීක්ෂණ දෙපාර්තුමේන්තුව ගම්පහ වැඩබලන මහේස්ත්‍රාත් නිතිඥ චන්ද්‍රිකා ජයදේවී අමරසිංහ හට වාර්තා කළේය.

‘ලංකා ඊ නිව්ස්’ වෙබ් අඩවිය විසින් 2016 අගෝස්තු 24දා පළකර ඇති පුවතකින් ගම්පහ ප්‍රධාන මහේස්ත්‍රාත්වරියට මෙන්ම, අධිකරණයට බරපතල අපහාසයක් සිදුව ඇතැයි ජනාධිපති නීතිඥ හේමන්ත වර්ණකුලසුරිය අධිකරණය හමුවේ කල කරුණු දැක්වීමෙන් පසු ඊ නිව්ස් කර්තෘ ප්‍රදීප් සඳරුවන් සේනාධීර වහාම අත්අඩංගුවට ගන්නැයි ගම්පහ ප්‍රධාන මහේස්ත්‍රාත්වරිය කාවින්ද්‍යා නානායක්කාර විසින් ඉන්ටපෝල් වරෙන්තු නිකුත් කරන ලෙස නියෝග කෙරිනි.

රිවිර’ හිටපු කර්තෘ උපාලි තෙන්නකෝන් පහර දීමේ සිද්ධිය සම්බන්ධයෙන් ගම්පහ අධිකරණයේ දැනට විභාග වෙමින් පවතින නඩුවක් සම්බන්ධයෙන් විනිසුරුවරිය ගත් තීන්දුවක් එම වෙබ් අඩවිය විසින් විවේචනය කර තිබීමත් සැකකරු හඳුනාගැනීමේ පෙරට්ටුවට ඉදිරිපත් කිරීමට පෙර ඔහුගේ ඡායාරූප ලංකා ඊ නිව්ස් වෙබ් අඩවියේ පළ කර අධිකරණයට අපහාස කළැයි ඔහුට විරුද්ධව නගා ඇති චෝදනාව විය.

ගම්පහ වැඩ බලන මහේස්ත්‍රාත් චන්ද්‍රිකා ජයදේවි අමරසිංහ මෙම නඩුව අප්‍රේල් මස 07 වන දාට කල් තැබුවා ය.

Facebook Comments

wedding people