ශ්‍රී ලංකාව තුළ සංහිඳියාව ඇති කිරීම වෙනුවෙන් යහප‍ාලන රජය ගෙන ඇති පියවර හා ඒ වෙනුවෙන් ඇති කැපවීම එක්සත් ජාතීන්ගේ මහලේකම්වරයා ඇගයීමට ලක් කර ඇත.
එක්සත් ජාතීන්ගේ සංවිධානයේ මහලේකම් ධූරයෙන් නික්ම යන බෑන් කී මුන් ඊයේ (22) පෙරවරුවේ දුරකතනය ඔස්සේ ජනාධිපති මෛත්‍රීපාල සිරිසේන අමතමින් මේ බව පවසා තිබේ.
ජනාධිපත්වරයාගේ නායකත්වය යටතේ ලංකාව අත්කර ගෙන ඇති සමාජ, ආර්ථික, දේශපාලන සියලුු ක්ෂේත‍්‍රයන් හි ප්‍රගතියද මහ ලේකම්වරයාගේ ඇගයීමට ලක් වු බවයි රජය පවසන්නේ.
එක්සත් ජාතීන්ගේ මහලේකම්වරයා ලෙස තමන් කටයුතු කාලය තුළදී ජනාධිපති මෛත්‍රීපාල සිරිසේනගේ නායකත්වය යටතේ ශ්‍රී ලංකාව නව ගමන් මගකට හැරී ඇති බව සහ ඒ සදහා ජනාධිපත්වරයාගේ කැපවීම බෑන් කී මුන්ගේ ඇගයීමට ලක් ව ඇති අතර ජනාධිතිපතිවරයාගේ නායකත්වය ඔස්සේ ඉදිරියේදී තවත් ජයග්‍රහණ ලබා ගනු ඇති බවට එක්සත් ජාතීන්ගේ මහලේකම්වරයා වීශ්වාසය පළ කර ඇත.
සිය ධුරයෙන් නික්ම ගියද ශ්‍රී ලංකාව වෙනුවෙන් සිය උපරිම සහය ලබා දෙන බවට බෑන් කී මුන් සහතික වී ඇති අතර එක්සත් ජාතීන්ගේ සංවිධානයේ මහ ලේකම්වරයා ලෙස බෑන් කී මුන් ලංකාවට ලබා දුන් සහාය ජනාධිපතිවරයා ඇගයීමට ලක් කළ බවද රජය සඳහන් කරයි
Facebook Comments
