උමා ඔය බහු විනාශකාරී ව්‍යාපෘතිය හේතුවෙන් මේ වන විට මධ්‍යම කඳුකරයේ නැගෙනහිර බෑවුමටත් එහි වෙසෙන ජනතාවටත් සිදුව ඇති විනාශයට විරෝධය දක්වමින් විශාල ජන සහභාගිත්වයකින් යුත් පා ගමනක් හා රැළියක් පවත්වා තිබේ.
බහු විනාශකාරී උමා ඔය ව්‍යාපෘතිය හේතුවෙන් ජනතාවගේ සමාජීය හා ආර්ථික කටයුතුවලටත් විශාල බලපෑමක් හා හානියක් සිදුවී ඇතත් මෙතෙක් එයින් විපතට පත් ජනතාවට වන්දි නොගෙවීමට විරෝධය දක්වමින් ඊයේ (29) බණ්ඩාරවෙල නගරයේ විරෝධතාවය පවත්වා ඇත.
දේශපාලන පක්ෂ හා බහුජන සංවිධාන නියෝජිතයන්, කලාකරුවන්, පරිසරවේදීන්, විශ්වවිද්‍යාල ආචාර්යවරුන් ඇතුළු විශාල පිරිසක් එම ව්‍යාපෘතිය හේතුවෙන් විපතට පත් ජනතාව පැවැත්වු මෙම විරෝධතාවයට සහය පළ කළේය.
උමාඔය බහු කාර්ය ව්‍යාපෘතිය “බහුවිනාශකාරී ව්‍යාපෘතියක් “ලෙස පෙන්වා දෙමින් ජනතා විමුක්ති පෙරමුණ විසින් මෙම විරෝධතාවය සංවිධානය කර ඇති අතර බදුල්ල නගරයේ සියළුම ව්‍යාපාරිකයන් සිය කඩසාප්පු වසා දමා මෙම විරෝධතාවයට සහය පළ කර ඇත.
Facebook Comments
