සිසුන් දෙපිරිසක් අතර ඇති වු ගැටුමක් හේතුවෙන් වසා දමා තිබූ කොළඹ විශ්වවිද්‍යාලයේ ශාස්ත්‍ර පීඨය සිසුන් සඳහා යළි විවෘත කල බව විශ්විද්‍යාලීය පාලනාධිකාරිය පවසනවා.
ගැටුමින් පසු විශ්වවිද්‍යායේ ශාස්ත්‍ර පීඨයේ 02,03 සහ 04 යන වසරයන්හි සිසුන්ට විශ්වවිද්‍යාල භූමියට ඇතුළුවීම තහනම් කළ අතර, අදාළ අධ්‍යයන වසර වල අධ්‍යයන කටයුතු ද තාවකාලිකව නතර කිරීමට විශ්වවිද්‍යාල පාලනාධිකාරිය තීරණය ගෙන තිබුණි.
සිද්ධියට සම්බන්ධ දෙපිරිස සමතයකට පත්වීමෙන් අනතුරුව යළි කොළඹ විශ්වවිද්‍යාලයේ ශාස්ත්‍ර පීඨය විවෘත කිරීමට තීරණය කප බවයි බලධාරින් සඳහන් කළේ.
ඒ අනුව ජේෂ්ඨ සිසුන් සඳහා තාවකාලිකව වසා දමා තිබූ විශ්වවිද්‍යාලය සහ නේවාසිකාගාරය ද ඊයේ පස්වරුවේ සිට විවෘත කර ඇති අතර, ලබන සඳුදා සිට විභාග පැවැත්වීමට ද පියවර ගෙන ඇති බවද පැවැසේ.
Facebook Comments
