යුද්ධයේ සුන්බුන් අතර සැරිසරන කැරලිකරුවෝ (PHOTO)

0
548
wedding people
Loading...

සිරියානු යුද්ධයෙන් සුන්බුන් වී ගිය නගරයක් තුළ මදකට නිදහස් හුස්ම ගන්නා තරුණයින් පිරිසකි. ඔවුන් මේ සැරසරන්නේ සිරියානු යුද්ධය නිසා මීට වසර 6 කට පෙර විනාශ වී ගිය උතුරු ප්‍රදේශයේ පිහිටි Inkhil නගරයේ ගරාවැටුණු ගොඩනැගිලි මතයි.

කැරලිකරුවන් කණ්ඩායමක් ලෙස මෙන් එක්රැස් වී සිටින මේ තරුණයින් කණ්ඩායම මේ නියැලෙන්නේ Parkour පුහුණුවීම් වලය.

වසර දෙකකට ආසන්න කාලයක් තිස්සේ 15 දෙනෙකුගෙන් යුතු මේ තරුණ කණ්ඩායම මෙලෙස පුහුණුවීම් වල නිරත වන අතර බොහෝවිට ඔවුන් මේ පුහුණුවීම් සිදුකරන්නේ සටනක් නැති නිහඬ දිනවලදී ය.

ගොඩනැගිලි හා ක්‍රීඩා පිට්ටනි මතින් යමින් සිදුකරන මේ ක්‍රීඩාව සැබැවින්ම අපූරුය. ප්‍රංශ නාමයක් වන ‘parcours‘ හි අරුත වී තිබෙන්නේ ‘කාර්යය හෝ කටයුත්ත‘ යන්නයි. ඉන් බිඳී ආ වචනයක් ලෙස Parkour හැඳින්විය හැකිය.

“උස් තැනකින් පැනයන විට මට නිදහසක් හා සතුටක් දැනෙනවා. ඉහළම තැනට යන්න හැකිවෙන්නේ කවුද ? බලන්න මගේ යාළුවොත් සමග තරඟ කරන්න මා කැමතියි” 18 හැවිරිදි Muhannad al-Kadiri, Parkour පුහුණුවීම් පිළිබඳ සිය හඬ අවදිකරන්නේ එලෙසිනි.


Kadiri හා ඔහුගේ මිතුරන් ගුවනේ කරණම් ගහන විට ඔවුන් සිය දෑත් අල්ලාගනිමින් ගල්ගොඩවල් මතින් පනිමින් යයි.
“Parkour පුහුණුව අපිව යුද්ධයෙන් ඈතට ගෙනයන අතර අපේ දුක, කඳුළ මදකට අමතක කර දමනවා. මෙය මට සහනයක් මෙන්ම විටෙක බොරුවක් ලෙස ද දැනනෙවා.” යැයි Kadiri පවසන්නේය.

Inkhil පිහිටා තිබෙන්නේ කැරලිකරුවන් හා කලින් රජයේ බලකායන් අතර දැඩි ලෙස සටන් ඇවිලුණු සීමාවක වේ.

ගුවන් අවි, ෂෙල් ආදී ප්‍රහාර ගණනාවක් එකලදී මේ ප්‍රදේශයට එල්ල කර ඇති අතර අබලන් ගොඩනැගිලි වලින් යුතු මේ බිමේ Parkour පුහුණුවේ නිරතවන තරුණයින්ට ඔවුන්ගේ පිම්ම ජවයෙන් යුතුව ගත හැකි වුවත් පුහුණුව අතරතුරදී ඔවුන් බොහෝ දෙනෙකුගේ පාද බිඳී ගොස් සිරුරේ විවිධ ස්ථාන වල ද තැළුම් ආදිය ද සිදුවී ඇති අතර සමහර අයවලුන්ගේ බෙල්ල පවා ඇඹරී ගොස් තිබේ.

මේ තරුණයින් එකිනෙකා මේ අභ්‍යාස වල නිරත වන අතරතුරදී ඡායාරූප හා වීඩියෝ ගන්නා අතර ඒවා ෆේස්බුක් වෙත ද මුදා හරිනු ලබයි එමෙන්ම, ඔවුන්ටම වෙන්වූ ප්‍රේක්ෂක සමූහයක් ද සිටියි.

‘Parkour කියන්නේ සිරුරේ ශක්තිය, නම්‍යශීලීත්වය මත පදනම් වුණු සුවිශේෂී කුසලතාවයකි.‘මෙහි ප්‍රේක්ෂකයකු වන Ayman එක් පුහුණුවීමක් අතරතුරදී පැවසුවේය. ‘නමුත්, විශේෂයෙන්ම පුහුණුව අතරතුරදී විනාශයට පත්වූ ප්‍රදේශවලට යන නිසා මෙය අතිභයානක විය හැකියි. ඔවුන් නව හැකියාවන් හඳුනාගනිමින් විශිෂ්ඨයන් බවට පත්වනු ඇති බව‘ මගේ විශ්වාසයයි. ඔහු වැඩිදුරටත් පවසයි.

Parkour 1980 දී ප්‍රංශයේ දී කලා අංගයක් ලෙස ආරම්භ විය (Art du Deplacement). එමෙන්ම, වසර ගණනාවක් පුරා මෙය අතිශය ජනප්‍රියත්වයට පත්විය. පසුගිය ජනවාරි මසදී බ්‍රිතාන්‍යය එය ක්‍රීඩාවක් ලෙස නිළ වශයෙන් පිළිගනු ලැබුණි.

වින්ද්‍යා ගම්ලත්

Facebook Comments

Loading...