රාජ්‍ය මාධ්‍ය ප්‍රධානීන්ගෙන් මංගල වැඩ අල්ලයි

0

ජනමාධ්‍ය හා මුදල් අමාත්‍යවරයා ලෙස පත්වූ මංගල සමරවීර දැනට සිටින රාජ්‍ය මාධ්‍ය ප්‍රධානීන් වෙනස් කිරීමට සුදානම් වන බව වාර්තා වේ.

දැනට අයාලේ යන රාජ්‍ය මාධ්‍ය නිසි ක්‍රමවේදයක් ඔස්සේ ප්‍රතිව්‍යුහගත කිරීමේ අරමුණින් මෙසේ ආයතන ප්‍රධානීන වෙනස් කිරීමට ඇමතිවරයා තීරණය කර තිබේ.

ඇමතිවරයා විසින් මේ වන විටත් අගමැතිවරයාට සහ ජනාධිපතිවරයාට ලිපියක් මඟින් මේ බව දන්වා ඇති අතර තමන් යෝජනා කරන පිරිස් ප්‍රධානීන් ලෙස පත් කිරීමට අවසර ලබා දෙන ලෙසටයි අවසර ඉල්ලා ඇත්තේ.

ඒ අනුව රජයේ ප්‍රවෘත්ති අධ්‍යක්ෂ ජනරාල් ධුරයට මහාචාර්ය රෝහණ ලක්ෂ්මන් පියදාස පත් කිරීමට ඔහු යෝජනා කර ඇති අතර ශ්‍රී ලංකා ගුවන් විදුලි සංස්ථාවේ සභාපතිධූරයට තුසිත හල්ලොලුව පත් කිරීමටත් එහි අධ්‍යක්ෂ ජනරාල්වරයා ලෙස ටී.ඩී.කේ. ජයන්ත පත් කරන ලෙසද මංගල සමරවීර ඉල්ලා ඇති බව වාර්තා වේ.

ලේක්හවුස් ආයතනයේ සභාපතිවරයා ලෙස යෝජනා කර ඇත්තේ ක්‍රිෂාන්ත කුරේ වන අතර ඊට අමතරව ඔහු ජනමාධ්‍ය අමාත්‍යංශයේ උපදේශකවරයෙකු වශයෙන්ද පත් කරන ලෙස ඉල්ලා ඇති බවයි මංගල ඇමතිවරයාගේ සමීපතමයෙක් කියා සිටියේ.

ස්වාධින රූපවාහිනී සේවය සඳහා නිතීඥ නිශ්ශංක නානායක්කාර සහ ජාතික රූපවාහිනියේ සභාපතිවරයා ලෙස අාචාර්ය සෝමරත්න දිසානායක නැවත පත් කරන ලෙසද තම ලිපියෙන් ජනමාධ්‍ය හා මුදල් අමාත්‍ය මංගල සමරවීර ඉල්ලා ඇති බවයි වැඩි දුරටත් වාර්තා වන්නේ.

Facebook Comments

wedding people