ශ්‍රී ලාංකීය කලා ක්ෂේත්‍රයේ උන්නතිය උදෙසා විශිෂ්ට සේවයක් සිදු කල අඟයන “රාජ්‍ය කලාභූෂණ සම්මාන උළෙලේදී” කලා ශිල්පීන් සහ ශිල්පිනියන් 200 දෙනෙකු සම්මානයෙන් පිදුම් ලබා තිබේ.
අභ්‍යන්තර කටයුතු, වයඹ සංවර්ධන හා සංස්කෘතික කටයුතු අමාත්‍යංශය විසින් 33 වන වරටත් පවත්වන ලද ස්මමාන උළෙල 12 අඟහරුවාදා කොළඹ නෙලුම් පොකුණ රඟහලේදී පැවැත්විණි.
අභ්‍යන්තර කටයුතු, වයඹ සංවර්ධන හා සංස්කෘතික කටයුතු අමාත්‍යංශය, සංස්කෘතික කටයුතු දෙපාර්තමේන්තුව, හින්දු ආගමික හා සංස්කෘතික කටයුතු දෙපාර්තමේන්තුව සහ මුස්ලිම් ආගමික හා සංස්කෘතික කටයුතු දෙපාර්තමේන්තුව එක්ව උළෙල සංවිධාන කර තිබුණි.
සම්මාන උළෙල සඳහා අභ්‍යන්තර කටයුතු, වයඹ සංවර්ධන හා සංස්කෘතික කටයුතු අමාත්‍ය එස්.බී. නාවින්න හා නියෝජ්‍ය අමාත්‍ය පාලිත තෙවරප්පෙරුම මෙන්ම කලාකරුවන් විශාල සංඛ්‍යාවක් ද සහභාගි වූහ.
රඹුක්න සිද්ධාර්ථ හිමි(සාහිත්‍ය), වැයිහේනේ පඤ්ඤාලෝක හිමි(සාහිත්‍ය), මැදවච්චියේ විමලම්ම හිමි( සාහිත්‍ය), අයිරාංගනී සේරසිංහ මහත්මිය(නාට්‍ය), රෝහණ බැද්දගේ මහතා(සංගීතය), සුගතපාල සෙනෙරත් යාපා මහතා(නාට්‍ය), චන්ද්‍රාද සිල්වා වීරසිංහ මහත්මිය( සංගීතය), සුමන ආලෝක බණ්ඩාර මහතා(සාහිත්‍ය), ආතර් යූ අමරසේන මහතා( සාහිත්‍ය), ශ්‍රියානි අමරසේන මහත්මිය( නාට්‍ය), නිමල් ජයසිංහ මහතා(නාට්‍ය), ටෝනි හසන් මහතා (සංගීත), බර්ටි ගුණසේකර මහතා(විවිධ), තිලකරත්න කුරුවිට බණ්ඩාර මහතා( සාහිත්‍ය), රංජිත් ධර්මකිර්ති මහතා(සාහිත්‍ය), හේමශ්‍රී ද අල්විස් මහතා(සාහිත්‍ය), අනුලා ද සිල්වා මහත්මිය( සාහිත්‍ය), හේමසිරි ලියනගේ මහතා(නාට්‍ය), එඩ්වඩ් මල්ලවආරච්චි මහතා(සාහිත්‍ය), චන්ද්‍රා කළුආරච්චි මහත්මිය(නාට්‍ය අංශය), හේමපාල පෙරේරා මහතා(සංගීතය), අයිරින් ද අල්විස් මහත්මිය(සංගීතය), කුලරත්න හෙට්ටිආරච්චි මහතා( නාට්‍ය), චිත්‍රා වරකාගොඩ මහත්මිය( නාට්‍ය), චන්ද්‍ර කුමාර කඳනආරච්චි මහතා(සංගීතය), නීල් අලස් මහතා(නාට්‍ය),නන්දා පතිරණ මහත්මිය(සංගීතය), ක්ලීටස් මෙන්ඩිස් මහතා(නාට්‍ය), අනිල් භාරතී මහතා(සංගීතය), පුන්සිරි සොයිසා මහතා(සංගීතය), රැජිනි සෙල්වනායගම් මහත්මිය( නර්තන), එන්. යූ.එම් අමීන් මහතා( සාහිත්‍ය), ලලිත් පොන්නම්පෙරුම මහතා( සංගීතය), දයාරත්න පෙරේරා මහතා(සංගීතය), කුමාරි අත්තනායක(නාට්‍ය), එඩ්වඩ් ජයකොඩි(සංගීත), සුනිල් ශිල්පාධිපති මහතා( නර්තනය),ඩබ්ලිව්. පී පණීභාරත මහතා(නර්තනය), ටී.බී. කේ පෙරේරා මහත්මිය(නාට්‍ය), ඩබ්ලියු. ජී.ඩී ආරියසිංහ මහතා(සංගීතය) සහ තවත් ජ්‍යෙෂ්ඨ කලාවේදීන් එකසිය හැට දෙනකු පමණ කලාභූෂණ රාජ්‍ය සම්මානයෙන් පිදුම් ලැබීය.
Facebook Comments
