ජාතික සංහිඳියාව ශක්තිමත් කර සංවර්ධනය කරා රට ගෙන යාමට එක්සත් ජාතික පක්ෂය මුලිකත්වය ගන්නා බව අගමැතිවරයා පවසයි.
මහින්ද රාජපක්ෂ පාලන සමයේ නොතිබු සමගිය ඇති කිරිමට අද වන විට හැකි වී ඇති බව පෙන්වා දුන් අගමැති රනිල් වික්‍රමසිංහ එය එසේ කිරිමට හැකි වුයේ එක්සත් ජතික පෙරමුණේ සිටින සිංහල දෙමළ හා මුස්ලිම් නායකත්වය නිසා බව ද කියා සිටියේය.
“අද සිංහල ,දෙමළ ,මුස්ලිම් ජනතාවට එකට ජීවත් වෙන්න පුලුවන් එක සමාන අයිතිවාසිකම් තියන සමාජයක් අපි ඇතිකරගෙන යනවා..මේවා කරන්න පුලුවන් වුණේ එක්සත් ජාතික පක්ෂයේ විවිධ ජාතීන් විවිධ ආගම් වලට අයිති නායකයන් ඉන්න නිසා” යැයි අගමැතිවරයා 31 බදාදා මන්නාරමේ පැවති ජන හමුවකදී ප්‍රකාශ කළේය.
ජාතික සංහිඳියාව ආරක්ෂා කර ගැනීම සඳහා එක්සත් ජතික පක්ෂයට ජන්දය ලබා දෙන ලෙසට ඉල්ලා සිටින අගමැතිවරයා රටේ අනාගතය සංවර්ධනය කල හැක්කේ එජාපයට බව කියා සිටියේය.
ජාතික සංවර්ධනයක් ඇති කළ ආකාරයටම ගමේ සංවර්ධනය ද සිදු කරන බව ද අගමැති රනිල් වික්‍රමසිංහ වැඩි දුරටත් සඳහන් කළේය.
Facebook Comments
