ඔබ කැමැති පක්ෂය/ ස්වාධීන කණ්ඩායමේ නම හා සලකුණ සඳහන් තීරුවේ ඡන්ද සලකුණට දකුණු පසින් වූ හිස් කොටුවේ එකම එක කතිරයක් පමණක් යෙදීමෙන් ඔබගේ ඡන්දය සළකුණු කළ යුතු බව මැතිවරණ කොමිසම පවසයි.
ඡන්ද පොළේදී එක් එක් ඡන්ද දායකයෙකුට එක් ඡන්ද පත්‍රිකාවක් පමණක් නිකුත් කෙරෙන් බවත් මෙම ඡන්ද පත්‍රිකාවල සඳහන් වන්නේ ඒ ඒ පළාත් ආයතනයට තරග කරන දේශපාලන පක්ෂවල හා ස්වාධීන කණ්ඩායම්වල නම් ඒවායේ ඡන්ද ලකුණු පමණක් බවයි මැතිවරණ කොමිෂන් සභාවේ සභාපති මහින්ද දේශප්‍රිය පෙන්ව දෙන්නේ.
නොබියව ඔබේ ඡන්ද අයිතිය, ඔබේ බලය, ඔබේ හඬ භාවිතා කිරීම සඳහා ඡන්ද පොළට යන ලෙස ඉල්ලා සිටින මැතිවරණ කොමිෂන් සභාවේ සභාපතිවරයා ඡන්දය දිය යුත්තේ,ඔබගේ අඳහස්වලට අනුකූලව මිස වෙනත් කිසිවෙකු විසින් දෙනු ලබන මූල්‍ය හෝ වෙනත් ද්‍රව්‍ය ආධාර මත නොවන බවයි අවධාරණය කරන්නේ.
Facebook Comments
