STF මවුලවිලාට පහර දෙන වීඩියෝව ගැන “පැමිණිලි කරන්න” (VIDEO)

0
18770
wedding people

දිගන මුස්ලිම් විරෝධි ප්‍රහාරය එල්ල වු දිනයේම පොලිස් විශේෂ කාර්ය බලකා භටයන් විසින් මුස්ලිම්වරුන්ට පහර දීම පිළිබදව පැමිණිලි ලැබුණහොත් පරීක්ෂණ පැවැත්වීමට සුදානම් බව පොලිසිය පවසයි.

පොලිස් විශේෂ කාර්ය සාධක බලකායේ භටයන් දිගන හිජ්රාපුර ජුම්මා දේවස්ථානයේ මවුලවිවරුන් දෙදෙනෙකුට පහර දෙන විඩියෝ දර්ශන ශ්‍රී ලංකාවේ ප්‍රජාතන්ත්‍රවාදය සඳහා මාධ්‍යවේදියෝ (JDS) සංවිධානය විසින් පල කර තිබුණි.

STF භටයන් මුස්ලිම් දේවස්ථානය කඩා වැදි එහි සිටින පිරිසක් පලවා හැර දෙදෙනෙකුට පහර දී රැගෙන යන විඩියෝවක් සිලෝන් ජර්නල්ස් වෙත ලැබී ඇත.

පහර දීම් සම්බන්ධව පැමිණිලි ලැබුනහොත් ඒ පිළිබදව පරික්ෂණ පවත්වන බව පොලිස් මාධ්‍ය ප්‍රකාශක පොලිස් අධිකාරි රුවන් ගුණසේකර සිලෝන් ජර්නල්ස් හා කියා සිටියේය.

“ත්‍රස්ත විමර්ශන ඒකකයට, රහස් පොලිසියට හෝ මහනුවර නියෝජ්‍ය පොලිස්පති වරයාට වීඩියෝ දර්ශනද සහිතව පැමිණිලි ඉදිරිපත් කළ හැකි බව කී පොලිස් මාධ්‍ය ප්‍රකාශකයා “ඒ කවුරුත් විශ්වාස නැත්නම් පොලිස්පතිට පැමිණිලි කරන්න පුලුවන්” යැයි සිලෝන් ජර්නල්ස් හා පැවසීය.

පහර කෑමට ලක්වූයේ මොහමඩ් නිසාම්ඩීන් සහ මොහමඩ් රමීස් යන මවුලවිවරුන් දෙදෙනා බව පවසන JDS සංවිධානය පූජකවරුන් දෙදෙනාටම දිගන මහවීදිය දිගේ බරපතල ලෙස පහර දෙන ලද බව නම සඳහන් නොකරන ලෙස ඉල්ලා සිටි පුද්ගලයන් කියා සිටි බව සඳහන් කරයි.

මහනුවර දිස්ත්‍රික්කයේ රාජකාරියේ යොදවා සිටි STF ඇතුළු පොලිස් හා හමුදා සෙබළුන් සිංහල අන්තවාදීන් විසින් සංවිධානය කරන ලද මුස්ලිම් විරෝධී ප්‍රහාරයන්ට සෘජුව හවුල් වූ බව ආණ්ඩුවේම ඇමැතිවරු ප්‍රකාශ කර තිබුණි.

Facebook Comments