“මහ නගරේ මහ අවුරුදු” අප්‍රියෙල් 08 දවස පුරා කොළඹ දී

0

සිංහල දමිළ නව අවුරුදු උදාව මහත් උත්කර්ෂයෙන් සැමරීම සහ සාම්ප‍්‍රදායික ජනමූල සංස්කෘතිකාංග පිළිබඳව තරුණ පරපුර අතර අවබෝධයක් සහ උනන්දුවක් ඇති කිරීම යන කරුණු ඉලක්ක කරගනිමින් දිවයිනේ දැවැන්තම සිංහල දමිළ අවුරුදු සැමරුම්උළෙල කොළඹ දී පැවැත්වෙන බව මහානගර සහ බස්නාහිර සංවර්ධන අමාත්‍යංශය පවසයි.

“සූර්යාභිෂේකය – මහ නගරේ මහ අවුරුදු”නමින් පැවත්වෙන අවුරුදු උළෙල එළඹෙන අපේ‍්‍රල් 08 වනදා දවස පුරා කොළඹ 07 ටොරින්ටන් පිටිය, නිදහස් චතුරශ‍්‍රය සහ ආකේඩ් පරිශ‍්‍රය ආශ‍්‍රිතව පැවැත්වෙන අතර එය ප‍්‍රධාන සංස්කෘතික අංග තුනකින් සමන්විත වේ.

අවුරුදු සැණකෙළියේ සමාරම්භය සනිටුහන් කරමින් කප්සිටුවීම සහ දේවාශිර්වාදය ලබා ගැනීම පසුගියදා ජනාධිපති මෛත‍්‍රීපාල සිරිසේන,මහානගර සහ බස්නාහිර සංවර්ධන අමාත්‍ය පාඨලී චම්පික රණවක සහ නියෝජ්‍ය අමාත්‍ය කරූ පරණවිතානගේ සහභාගීත්වයෙන් පසුගියදා කොළඹ නිදහස් චතුරශ‍්‍ර පරිශ‍්‍රයේදී පවත්වා තිබේ.

සාම්ප‍්‍රදායික සහ නවීකාරක තරග

සාම්ප‍්‍රදායික සහ නවීකාරක තරග රැසකින් සමන්විත මෙම අවුරුදු උත්සවය සමන්විත බව පවසන මහානගර සහ බස්නාහිර සංවර්ධන අමාත්‍යංශය මහානගර අවුරුදු කුමරිය සහ අවුරුදු කුමරා තේරීමේ තරගය සඳහා මේ වනවිට අයදුම්පත් බාර ගැනීම ආරම්භ කර ඇති බව පවසයි.

මෙම අවුරුදු උත්සවයේ මහා නගර අවුරුදු කුමරිය තරගයේ ජයග‍්‍රාහිකාවට මුදලි රුපියල් 75,000කි හිමි වන අතර,දෙවන සහ තුන්වන ස්ථාන සදහා පිළිවෙළින් රුපියල් 60,000ක් සහ රුපියල් 50,000ක් බැගින් හිමිවේ.

එසේම,හතරවන ස්ථානයේ සිට දසවන ස්ථානය දක්වාද මුදල් ත්‍යාග ලබා දීමට සංවිධායකයින් තීරණය කර ඇත.

මහා නගර අවුරුදු කුමරා සදහා මුදලින් රුපියල් 60,000ක් හිමිවන අතර, දෙවන සහ තුන්වන ස්ථාන සඳහා රූපියල් 60,000ක් සහ රුපියල් 50,000ක් බැගින් හිමිවේ. එසේම, හතරවන ස්ථානයේ සිට දසවන ස්ථානය දක්වාද මුදල් ත්‍යාග හිමි වන බවයි එම අමාත්‍යංශය නිවේදනය කරන්නේ.

මීට අමතරව පාපැදි ධාවන තරගයපුරසැරිය මැරතන් තරගය ඇතුළු සාම්ප‍්‍රදායික අවුරුදු තරග මෙන්ම ජනකී‍්‍රඩා ඇතුළු විචිත‍්‍රවත් අංග රැසකින් මෙම මහා අවුරුදු උත්සවය සමන්විත වනු ඇත.

තරඟයන් පිළිබඳව වැඩි දුර විස්තර උමේන්ද‍්‍ර – 071 1 140 000 | තුල්ෂි – 071 5 562 971 අමතා ලබා ගත හැකි අතර අවුරුදු උත්සවය පැවත්වෙන පරිශ‍්‍රය තුල වෙළඳකුටි ලබා ගැනීමට මහේන්ද‍්‍ර – 077 22 79 118 , 0775 78 75 78 අමතන ලෙසට මහානගර සහ බස්නාහිර සංවර්ධන අමාත්‍යංශය ඉල්ලා සිටි.

සංස්කෘතික ප‍්‍රසංගය

“සූර්යාභිෂේකය – මහනගරේ මහඅවුරුදු” කොළඹ කේන්ද්‍ර කර පැවැත්වෙන අවුරුදු උළෙලේ ශිල්පීන් 1200 දෙනෙකු සහභාගි වන මහා සංස්කෘතික ප‍්‍රසංගයක් පැවැත්වෙන අතර, ඉන් අනතුරුව මහේෂ් දෙණිපිටිය ප‍්‍රමුඛ වාදක මඩුල්ල සහ භාතිය – සන්තුශ්, උමාරියා සිංහවංශ, නිරෝශා විරාජිනි, උරේෂා රවිහාරි, ඉෂාක් බෙග්, අමිත වෙඩිසිංහ, සුසිල් ප්‍රනාන්දු, සුනීර සුමංග ඇතුලූ සිංහල සහ දමිළ ගායන තරු සහභාගී වන මහා මියැසි ප‍්‍රසංගයක්ද සංවිධානය කර තිබේ.

Facebook Comments

wedding people