එන්ටප්‍රයිස් ශ්‍රී ලංකා සහන ණය යෝජනා ක්‍රමයේ සංඛ්‍යා ලේඛනවලට අනුව කාන්තා ව්‍යවසායකන් බිහි වීමේ වැඩි ප්‍රවණතාවක් පවතින බව මුදල් හා ජනමාධ්‍ය අමාත්‍යවරයා පවසයි.
කාන්තාවන්, පිරිමින්ට සාපේක්ෂව ලැබෙන ණය මුදල් ඉතා සකසුරුවම් ලෙස භාවිත කරන බව මෙන්ම ණය වාරික නිසි වේලාවට ගෙවීමට වැඩි උනන්දුවක් දක්වන බවට මාතර කොටුවේගොඩ ලංකා බැංකු ශාඛාවේ එන්ටප්‍රයිස් ශ්‍රී ලංකා කවුන්ටරය විවෘත කිරීමේ අවස්ථාවට එක්වෙමින් මංගල සමරවීර ඇමැතිවරයා කියා සිටියේය.
“විශේෂයෙන්ම මම මෙහිදී සඳහන් කළ යුතුයි ව්‍යවාසායකත්වය සඳහ කාන්තා දායකත්වය සතුටු දායක මට්ටමකට පත් වෙමන් තිබෙනවා. සංඛ්‍යා ලේඛනවලට අනුව කාන්තා ව්‍යවසායකන් බිහි වීමේ වැඩි නැඹුරුවක් දක්නට ලැබෙනවා. ඔවුන් ගන්නා ණය උපරිමයෙන් සිය අවශ්‍යතාව වෙනුවෙන් යොදවන අතර කලට වේලාවට ණය වාරික ගෙවා දමන්නත් පිරිමින්ට වැඩි හැකියාවක් ඔවුන්ට තිබෙනවා.”
සාම්ප්‍රදායික බැංකු ණය ක්‍රමයෙන් බැහැර වී එම ව්‍යාපාර වල ප්‍රගතිය සොයා බලමින් ඉදිරියට ව්‍යාපාර දියුණු කර ගැනීමට හා අඩුපාඩු සකස් කර ගැනීමට උපදෙස් ලබා දෙමින් තරුණ ව්‍යාවාසකයන් ශක්තිමත් කිරීම එන්ටප්‍රයිස් ශ්‍රී ලංකා අරමුණය බවයි අමාත්‍ය මංගල සමරවීර වැඩි දුරටත් පෙන්වා දෙන්නේ.
Facebook Comments
