ශ්‍රී ලංකා සාග‍රයේ ඛනි‍ජ තෙල් ගවේෂණයක්

ශ්‍රී ලංකා සාග‍රයේ ඛනි‍ජ තෙල් සම්පත් ගවේෂණ කිරීමේ ව්‍යාපෘතිය යටතේ ද්විමාන භූකම්පන දත්ත රැස් කිරීමේ BGP Pioneer නෞකාව සිය මෙහෙයුම් ආරම්භ කිරීමට නියමිතව තිබේ.

සැප්තැම්බර් 2 වැනි ඉරිදා උදෑසන 8.30ට කොළඹ වරායේදී එම නෞකාව සිය ගමන් ආරම්භ කිරීමට කටයුතු යොදා ඇත.

ප‍්‍රංශ සමාගමක් වන ටොටා සමාගම මෙම පරීක්ෂණ කටයුතු සිදුකරන අතර ඒ සදහා යොදාගන්නා යාත‍්‍රාව චීන සමාගමකට අයත් එකක් බවටයි තොරතුරු වාර්තා වන්නේ.

මඩකළපුව සිට උතුරු ප‍්‍රදේශය දක්වා වන ගැඹුරු මුහුදේ J5 – J6 යන කොටස්වල දින 42ක කාලයක් මෙම පරීක්ෂණ කටයුතු සිදුකිරීමට නියමිතයි.

ඒ අනුව රේඛීය වශයෙන් කිලෝමීටර් 5000ක් මෙම පරීක්ෂණ වලට යොදාගනු ලබනවා.

මෙම ව්‍යාපෘතිය සදහා ඇමෙරිකානු ඩොලර් මිලියන 9ක මුදලක් වැය වන අතර, ශ්‍රී ලංකා මුදලින් එම ව්‍යාපෘතිය සදහා රුපියල් කෝටි 145කට අධික මුදලක් වැය වන බවටයි ගණන් බලා ඇත්තේ.