පොලිස්පතිට අස්වන්නට ජනපති කිව්වාද නැද්ද?

0
1062
Ivory Agency Sri Lanka
wedding people

පොලිස්පතිවරයා හට සති දෙකක් ඇතුලත ඉල්ලා අස්වන ලෙසට පළ වු මාධ්‍ය වාර්තා සම්බන්ධව නිවේදනයක් නිකුත් කල රජයේ ප්‍රවෘත්ති අධ්‍යක්ෂකවරයා ජනපතිවරයා එවැන්නක් දැනුම් දුන් බවට ප්‍රතික්ෂේප කර නොමැත.

රජයේ ප්‍රවෘත්ති අධ්‍යක්ෂක නීතිඥ සුදර්ශන ගුණවර්ධනගේ අත්සනින් යුතුව නිකුත් කල නිවේදනයේ දැක්වෙන්නේ අගමැතිවරයා විසින් පොලිස්පතිවරයාගේන් එවැනි ඉල්ලීම් කර නොමැති බවට අගමැති කාර්යාලය නිවේදනය කල බවයි.

“පොලිස්පති පුජිත ජයසුන්දර මහතාට තනතුරින් ඉල්ලා අස්වෙන ලෙස අග්‍රාමාත්‍ය රනිල් විකුමසිංහ මැතිතුමා විසින් ප්‍රකාශ කර ඇතැයි යනුවෙන් පළ වු මාද්‍ය වාර්තා අසත්‍ය බව අග්‍රාමාත්‍ය කාර්යාලය නිවේදනය කරයි.” යනුවෙන් නිවේදනයේ සඳහන් වේ.

එහෙත් ජනාධිපති මෛත්‍රීපාල සිරිසේන විසින් එවැනි ඉල්ලීමක් නොකල බවට එම නිවේදනයේ සඳහන්ව නැත.

කෙසේ වෙතත් ජනාධිපතිවරයා හෝ අගමැතිවරයා පොලිස්පතිවරයාගේ ඉල්ලා අස්වන ලෙසට ඉල්ලීමක් කල බවට දැන ගන්නට නොමැති බව නීතිය හා සාමය බාර නියෝජ්‍ය අමාත්‍ය නලීන් බණ්ඩාර පාර්ලිමේන්තුවේදී කියා තිබුණි.

ජනාධිපතිවරයා විසින් පොලිස්පති පුජිත ජයසුන්දර හට සති දෙකක් කාලයක් ඇතුලත ඉල්ලා අස්වන ලෙසට පළ වු මාධ්‍ය වාර්තා සම්බන්ධව ජනපති මාධ්‍ය ඒකකය හෝ ජනාධිපති ලේකම් කාර්යාල මෙතෙක් කිසිඳු නිවේදනයක් නිකුත් කර හෝ එම මාධ්‍ය වාර්තා ප්‍රතික්ෂේප කර නොමැත.

Facebook Comments