ආර්ජන්ටිනාවේ පැවැත්වෙන යොවුන් ඔලිම්පික් ක්‍රීඩා උළෙලේ දී ශ්‍රී ලංකාව වෙනුවෙන් පළමු පදක්කම දිනා ගැනීමට කුලියාපිටිය මධ්‍ය මහා විද්‍යාලයේ පාරමී මාරිස්යෙලා සමත් විය.
පාරමී පසුගිය දා පැවති මීටර් 2000 බාධක දිවීමේ ඉසව්වේ තුන්වැනි ස්ථානය හිමිකරගත් අතර, දෙවැනි අදියර ලෙස කිලෝමීටර් 4 ක් වූ රට හරහා දිවීමේ ඉසව්වට 15 සඳුදා සහභාගී වී ලෝකඩ පදක්කමට හිමිකම් කියනු ලැබීය.
එහිදි පාරමී 17 වැනි ස්ථානය හිමිකරගත්තේ මීටර් 2000 බාධක දිවීමේ ඉසව්වට සහභාගී වූ ක්‍රීඩිකාවන් අතරින් සිව්වැන්නා ලෙසයි.
ඒ අනුව තරග දෙකේදී ම වාර්තා කළ කාලයන්ට ලබා දුන් ලකුණු අනුව පාරමීට ලෝකඩ පදක්කම තහවුරු වී තිබේ.
2007 වසරේ වසරේ දී සුසන්තිකා ජයසිංහ විසින් ලෝක ශූරතා මලල ක්‍රීඩා තරගාවලියේ දී ලබා ගත් ලෝකඩ පදක්කමින් පසුව ලෝක මට්ටමේ තරගාවලියක දී ශ්‍රී ලංකා මලල ක්‍රීඩකයෙකු හෝ ක්‍රීඩිකාවක ලද පළමු පදක්කම ලෙස මෙය ඉතිහාසයට එක්වනු ඇත.
ආසියානු කලාපයෙන් මීටර් 2000 බාධක දිවීම ඉසව්වට සුදුසුකම් ලැබූ ක්‍රීඩිකාවන් දෙදෙනාගෙන් පාරමී වසන්තී පෙරමුණේ පසුවිය.
Facebook Comments
