දූෂණ චෝදනා වලට උත්තර බැඳීමට සනත් ජයසූරියට දෙසතියක්

0
272
wedding people
Loading...

හිටපු ක්‍රිකට් තේරීම් කමිටු සභාපති සනත් ජයසූරියට නගා ඇති දූෂණ වංචා චෝදනා සම්බන්ධයෙන් පිළිතුරු දීම සඳහා ජගත් ක්‍රිකට් අධිකාරිය ඔහුට දෙසතියක් කල් දී තිබේ.

අන්තර්ජාතික ක්‍රිකට් මණ්ඩලයේ (ICC) දූෂණ විරෝධී ආචාර ධර්ම දෙකක් උල්ලංඝනය කළ බවට හිටපු ශ්‍රී ලංකා පිලේ නායකයා චෝදනා ලබයි.

ICC දූෂණ විරෝධී ඒකකය විසින් පවත්වනු ලැබූ විමර්ශනයකට සහාය දීමට “අසමත් වීම හෝ ප්‍රතික්ෂේප කිරීම” මෙන්ම, ඊට අදාළ “ලියකියැවිලි හෝ වෙනත් තොරතුරු වසං කිරීම, විකෘති කිරීම හෝ විනාශ කිරීම මගින් පරීක්ෂණයට බාධා කිරීම හෝ ප්‍රමාද කිරීම,” සම්බන්ධයෙන් ඔහු චෝදනා ලබයි.

ශ්‍රී ලංකාවේ ක්‍රිකට් ක්‍රීඩකයන් සහ බලධාරීන් සම්බන්ධයෙන් පවත්වනු ලබන පරීක්ෂණයකට අවශ්‍ය කරන ජංගම දුරකතනයක් ඉල්ලූ අවස්ථාවේ ලබා නොදීමත්, කල් ගතවී භාර දුන් දුරකතනයේ දත්ත මකා තිබීමත්, සනත් ජයසූරියට චෝදනා නැගීමට හේතුවී ඇති බව ගගන ට දැනගන්නට ලැබී තිබේ.

ඔහු ක්‍රිකට් පාලක මණ්ඩලයේ සභාපති ධුරය දරන සමයේ ශ්‍රී ලංකාව හා සිම්බාබ්වේ අතර හම්බන්තොට පැවති සිව් වැනි එක් දින තරගය මෙම චෝදනා වලට අදාළ බව ජාත්‍යන්තර ජනමාධ්‍ය වාර්තා කරයි.

එහිදී සිම්බාබ්වේ 3-2 ක් ලෙසින් ශ්‍රී ලංකාව පරාජය කළේ 2001 න් පසු මුල් පෙලේ තරගාවලියක ලද පළමු ජය සනිටුහන් කරමිනි.

ඔක්තෝබර් 15 දායින් ආරම්භ වන දෙසතිය තුලදී පිළිතුරු බැඳීමට සනත් ජයසූරියට ICC ය කල් දී තිබේ.

එම කාලසීමාව තුල ප්‍රතිචාර නොදැක්වුවහොත් ශ්‍රී ලංකා ක්‍රිකට් ශුරයා තහංචියකට යටත් වීමේ අවදානමට මුහුණ පායි.

දුෂණ විරෝධී ආචාර ධර්ම පද්ධතිය බරපතල ලෙස උල්ලංඝනය කළ අයකු දිවි ඇති තෙක් ක්‍රිකට් ක්ෂේත්‍රයෙන් ඉවත් කිරීමට ICCයට බලය තිබේ.

ශ්‍රී ලංකාවේ ක්‍රිකට් පිළිබඳ විමර්ශනයක් ආරම්භ කරමින් ICC දුෂණ මර්දන ඒකකයේ ප්‍රධානී ඇලෙක්ස් මාර්ෂල් මේ මස මුලදී කියා සිටියේ “දූෂණ වංචා සම්බන්ධ බරපතල ගනයේ චෝදනා” නැගී ඇති බවයි.

Facebook Comments

Loading...