මාලිංග ක්‍රිකට් පිටියට සමුදෙන්න සුදානම් වෙයි

0

විස්සයි 20 ලෝක කුසලාන ක්‍රිකට් තරගාවලියෙන් පසු ජාත්‍යන්තර ක්‍රිකට් පිටියෙන් සමුගන්නා බව ශ්‍රී ලංකා එක්දින කණ්ඩායමේ නායක ලසිත් මාලිංග ප්‍රකාශ කර තිබේ.

මෙවර එංගලන්තයේ පැවැත්වෙන ලෝක කුසලාන ක්‍රිකට් තරගාවලියෙන් අනතුරුව තමන් එක්දින ජාත්‍යන්තර තරගවලින් සමුගන්නා බව ද ඔහු පවසා තිබුණි.

යම් හේතුවකින් තමන්ට පන්දුවාර 20/20 ලෝක කුසාලන තරගාවලිය සඳහා සහභාගී වීමට ලැබුණහොත් තමන්ගේ ජාත්‍යන්තර ක්‍රිකට් දිවිය නිමා කරන බවයි මාලිංග පවසන්නේ.

“මෙවර ලෝක කුසලාන තරගාවලියෙන් අනුරුව මම එක්දින ජාත්‍යන්තර තරගවලින් සමුගන්නවා. නමුත් මම 2020 විස්සයි20 ලෝක කුසලාන තරගාවලිය දක්වා විස්සයි20 තරගවලට සහභාගි වෙනවා”

දකුණු අප්‍රිකාවට එරෙහිව 22 සිකුරාදා පැවැති දෙවැනි විස්සයි20 අන්තර්ජාතික ක්‍රිකට් තරගයේදී ශ්‍රී ලංකා කණ්ඩායම ලකුණු 16 කින් පරාජයට පත්වීමෙන් අනතුරුව මාලිංග මෙසේ සිය සමුගැනීම සම්බන්ධයෙන් අදහස් දැක්වීය.

Facebook Comments

wedding people