හොඳම ක්‍රීඩකයෙකු හොඳම නායකයා වීම අනිවාර්ය නෑ – හරීන්

0
833
Ivory Agency Sri Lanka
wedding people

ක්‍රිකට් ලෝක කුසලානය සඳහා නම්කර ඇති ශ්‍රී ලංකා සංචිතය තේරීම සඳහා තමන්ගේ මැදිහත්වීමක් නොවූ බව ක්‍රීඩා ඇමැතිවරයා ප්‍රකාශ කර සිටී.

තමන් විසින් සිදු කරනු ලැබුවේ ශ‍්‍රී ලංකා ක්‍රිකට් තේරීම් කමිටුව විසින් තෝරන ලද කණ්ඩායමට අනුමැතිය ලබා දීම පමණක් බවයි අමාත්‍ය හරීන් ප්‍රනාන්දු පෙන්වා දෙන්නේ.

“පළමුව සඳහන් කළ යුත්තේ ක්‍රිකට් කණ්ඩායම තේරීම සඳහා අමාත්‍යවරයා කිසිදු අයුරකින් මැදිහත්වීමක් නොකරන බවයි. ඒ සඳහා ශ්‍රී ලංකා ක්‍රිකට් ආයතනය මඟින් මුදල් ගෙවා සේවය ලබාගන්නා තේරීම් කාරකවරුන් අපට සිටිති. තේරීම් කටයුතු සිදු කෙරුණු පසුව, එය අමාත්‍යවරයාගේ අනුමැතිය සඳහා යොමු කෙරේ. කණ්ඩායම් නායකයා සහ අනෙකුත් සියලු ක්‍රීඩකයන් තෝරා ගැනීම සිදු කරන්නේ මේ තේරීම් කාරක වරුන්‍ ය.”

දිමුත් කරුණාත්රන නායකත්වය සඳහා පත්කර ඇත්තේ ශාන්ත ජෝසප් විදුහලේ ඒ නිසා බවට පළවන සමාජ ජාල වාර්තා ප්‍රතික්ෂේප කරන ඇමැතිවරයා තිසර පෙරේරා මෙන්ම ඇන්ජලෝ මැතිවුස්ද එම පාසලේ ක්‍රීඩකයන් බව සිය ෆේස්බුක් ගිණුමේ සටහනක් තබමින් පවසා ඇත.

කණ්ඩායම නම් කිරීමට පුද්ගලයන් ආගම සහ වෙනත් අදාළ නොවන දේ ඈඳාගනිමින් සිටීම අවාසනාවන්ත තත්ත්වයක් බව පවසන ක්‍රිඩා ඇමැතිවරයා දිමුත් කරුණාරත්න ශාන්ත ජෝෂප් විදුහලේ ආදි සිසුවෙකු වුවද ඔහු බෞද්ධයෙකු වග බොහෝ දෙනා නොදන්නා බව සඳහන් කරයි.

හොඳම ක්‍රීඩකයෙකු හොඳම නායකයා වීම අනිවාර්ය නොවන බවට තමන් විශ්වසා කරන බව සඳහන් කරන ක්‍රිඩා අමාත්‍ය හරීන් ප්‍රනාන්දු හොඳම නායකයෙකු හොඳම ක්‍රීඩකයෙකු වීම අනිවාර්ය නොවන බව ද වැඩි දුරටත් කියා සිටී.

Facebook Comments