යාපනය විශ්ව විද්‍යාලයේ අධ්‍යාපනය ලබන සිසුන් දෙදෙනාගේ මරණය සම්බන්ධයෙන් අපක්ෂපාතී සහ ස්වාධීන පරීක්ෂණයක් පවත්වා එම වාර්තාව අධිකරණයට ඉදිරිපත් කරන ලෙස ජනාධිපතිවරයා නිළධාරින්ට උපදෙස් ලබාදී තිබේ.
සිද්ධිය සම්බන්ධයෙන් ජනාධිපතිවරයා නිවේදනයක් නිකුත් කර ඇති අතර යාපනය විශ්ව විද්‍යාලයේ අධ්‍යාපනය ලබන සිසුන් දෙදෙනාගේ මරණය පිලිබඳ පුවත අසා තමා දැඩි සංවේගයට පත් වූ බව එහි සඳහන් කර ඇත.
එම සිද්ධිය සැලවූ වහාම අපක්ෂපාතී සහ ස්වාධීන පරික්ෂණයක් පවත්වා අදාළ වාර්තාව අධිකරණයට ඉදිරිපත් කරන ලෙස තමන් විසින් නිළධාරින්ට උපදෙස් ලබා දුන් බවත් ඒ අනුව එම සිදුවීම පිලිබඳ පරීක්ෂණ කිසිදු බාධාවකින් තොරව අඛණ්ඩව සිදු වෙනු ඇති බවටත් ජනාධිපතිවරයා ප්‍රකාශ කර තිබේ.
එමෙන්ම මෙම සිදුවීම සම්බන්ධයෙන් අදාළ සිසුන්ගේ දෙමාපියන් වෙත වන්දි මුදලක් ගෙවීමටද තීරණය කර ඇති බවද ජනාධිපතිවරයා සිය නිවේදනයේ වැඩිදුරටත් සඳහන් කර තිබේ.
Facebook Comments
