දකුණ වෙනුවෙන් උතුරේ පහන් දැල්වේ (PHOTO)

0
18908
wedding people

චාවකච්චේරි සංගත්තානෙයි ප්‍රදේශයේදී පසුගිය 17 වනදා සිදු වු රිය අනතුරින් මිය ගිය පුද්ගලයන් සිහිකරමින් උතුරේ වැසියන් පහන් දල්වා ඔවුන්ට  ගෞරව දක්වා තිබේ.

වෑන් රථයක් සහ ලංගම බස්රථයක් මුහුණට මුහුණලා ගැටීමෙන් මෙම අනතුර සිදු වු අතර අනතුරින් දකුණේ සිංහල වැසියන් 11 දෙනෙක් මිය ගියේය.

අදාල අනතුරෙන් මියගිය පුද්ගලයන්ගේ ආත්මවලට ශාන්තිය අත්වේවායැයි ප්‍රාර්ථනා කරමින් සංගත්තානෙයි ප්‍රදේශයේ ජනතාව ‍ඉටිපන්දම් දල්වා බුහුමන් දක්වා ඇත.

මිය ගිය පුද්ගලයන් 11 දෙනා වෙනුවෙන් අනතුර සිදු වු ස්ථානයේ ඉටිපන්දම් 11 දල්වා 19 වන සඳුදා මෙම සිහි කිරීම සිදු කර තිබේ.

මියගිය පුද්ගලයන් වෙනුවෙන් ශෝක පනිවිඩයක්  මුද්‍රණය කර යාපනය කන්කසන්තුර මාර්ගයේ ධාවනය කරන කුලී රථ හිමියන්ගේ සංගමයේ සාමාජිකයන්  විසින් ජනතාව අතර  බෙදාහැර තිබේ.

කාන්තාවන් පහක් ඇතුලු එකොළොස් දෙනකුට මරු කැඳවමින් වාකච්චේරියේ සංගත්තානෙයි දුම්රිය පොල ඉදිරිපිට මහා මාර්ගයේදී යාපනයේ සිට වව්නියාව බලා ගනිමින් සිටි ලංකා ගමනාගමන මණ්ඩලයේ බස්රියක් හා මුහුණට මුහුණට ගැටුනු දකුණේ සිට නාගදීපය බලා ගිය වෑන් රථයක්ය.

Facebook Comments