හිටපු නි.අමාත්‍ය සරත් ගුණරත්න රක්ෂිත බන්ධනාගාරයට

පසුගිය මහින්ද රාජපක්ෂ සමයේ හිටපු නියෝජ්‍ය ධීවර අමාත්‍යවරයා වන සරත් කුමාර ගුණරත්න නොවැම්බර් මස 1 වෙනිදා දක්වා රක්ෂිත බන්ධනාගාර ගත කර තිබේ.

2002 වසරේ මීගමුව ප්‍රදේශයේ සිදුවූ රිය අනතුරකට අදාළව වරෙන්තු නිකුත් කර තිබුනද විදෙස් ගතව සිටි හිටපු මන්ත්‍රීවරයා දිවයිනට පැමිණියේ ඉකුත් 22 දාය.

නීතීඥයෙකු මාර්ගයෙන් අද උදෑසන පොලීසියට භාර වූ මන්ත්‍රීවරයා මීගමුව මහේස්ත්‍රාත් අධිකරණයට ඉදිරිපත් කිරීමෙන් අනතුරුව නොවැම්බර් මස 1 වෙනිදා දක්වා රක්ෂිත බන්ධනාගාර ගත කර තිබේ.