තම කාර්යලය ලබාදුන් නිර්දේශ කඩිනමින් ක්රියාත්මක කිරීම සඳහා අවශ්ය කටයුතු සලසන ලෙස අතුරුදන්වූ තැනැත්තන් පිළිබඳ කාර්යාලය රජයෙන් ඉල්ලීමක් කර තිබේ.
පසුගිය අගෝස්තු මාසයේ නිකුත් කළ අතුරු වාර්තාව මඟින් අතුරුදන්වූ තැනැත්තන්ගේ පවුල් සඳහා අතුරු සහන යෝජනාවලියක්, සත්ය සොයා ගැනීම සහ යුක්තිය පසදලීම උදෙසා නිර්දේශ ද අතුරුදන්වූ තැනැත්තගේ කාර්යාලය විසින් ඉදිරිපත් කරන ලදී.
අතුරුදන්වූ තැනැත්තන් පිළිබඳ කාර්යාලයට කොමසාරිස්වරුවන් පත් කර අදට වසරක කාලයක් ගත වන අතර ඒ නිමිත්තෙන් ලබන මාසය තුළ වැඩසටහන් මාලාවක් සංවිධානය කර ඇති බවයි එම කාර්යාලය දැනුම් දෙන්නේ.
ඒ යටතේ අතුරුදන්වූ තැනැත්තන්ගේ පවුල්වල සාමාජිකයින් හට මෙම කාර්යාලය වෙත ප්රවේශය පහසු කිරීම උදෙසා දිවයිනේ විවිධ ප්රදේශවල ප්රාදේශිය කාර්යාල ස්ථාපිත කිරීමට සැලසුම් කර ඇති බව අතුරුදන්වූ තැනැත්තන් පිළිබඳ කාර්යාලය සඳහන් කළේය.
එහි පළමු පියවර වශයෙන් මන්නාරම සහ මාතර යන ප්රදේශවල අතුරුදන්වූ තැනැත්තන් පිළිබඳ ප්රාදේශිය කාර්යාල පිහිටුවිමට නියමිතව තිබේ.
වින්දිතයින්ගේ සහ ඔවුන්ගේ පවුල්වල සාමාජිකයින්ගේ අයිතීන් සුරක්ෂිත කිරීමට දිගින් දිගටම කටයුතු කරන බව අතුරුදන්වූ තැනැත්න් පිළිබඳ කාර්යාලය වැඩිදුරටත් නිවේදනය කරයි.
Facebook Comments
