වාහන පර්මිට් එක විකුණු වාසුට ලක්ෂ 50ක ලාභයක්

0
787
Ivory Agency Sri Lanka
HailHost
wedding people

පාර්ලිමේන්තු මන්ත්‍රීවරුන්ට ලබාදෙන තීරු බදුරහිත වාහන බලපත්‍රය අලෙවි කිරීමෙන් තමන් රුපියල් ලක්ෂ 50 ක ලාභයක් ලබා ගත් බව ඒකාබද්ධ විපක්ෂය නියෝජනය කරන පාර්ලිමේන්තු මන්ත්‍රී වාසුදේව නානායක්කාර ප්‍රකාශ කර තිබේ.

මන්ත්‍රීවරුන්ට මාසිකව ලබාදෙන රථවාහන දීමනාව මන්ත්‍රී අවශ්‍යතා සදහා කිසිසේත් ප්‍රමාණවත් නොවන බව මන්ත්‍රීවරයා කියා සිටියේ මෙරට පළමු වතාවට පාර්ලිමේන්තු මන්ත්‍රීවරුන් පස්දෙනෙකු සිය වත්කම් හා බැරකම් ප්‍රකාශ ප්‍රසිද්ධියට පත් කිරීමට 28 බ්‍රහස්පතින්දා එක්වෙමිනි.

“සමහර මන්ත්‍රීවරු ඉන්නවා ඉතාම අඩු ආදායමක් ලබන අය. අපිට දෙනවා වාහන දීමනාවක් කියලා රුපියල් පනස් දාහස් ඒක මදි තෙල් ගහන්නවත්.” යැයි වාසදේව මන්ත්‍රීවරයා පැවසීය.

මන්ත්‍රීවරුන්ට ලබා දෙන වාහන බලපත්‍රය විකිණීමට තහනම් බැවින් එය වෙනත් තැනැත්තෙකුට භුක්තියට ලබා දී මුදල් ලබා ගත් බවත් ඉන් කොටසක් පක්ෂයට ලබා දී ඉදිරි මුදලින් භාවිතා කරන ලද වාහනයක් මිලදී ගත් බව ද මන්ත්‍රීවරයා කියා සිටියේය.

පාර්ලිමේන්තු මන්ත්‍රීවරුන් වන වාසුදේව නානායක්කාර, විදුර වික්‍රමනායක, එම් ඒ සුමන්තිරන්, තාරක බාලසුරිය හා රාජ්‍ය අමාත්‍ය ඉරාන් වික්‍රමරත්න යන මැති ඇමැතිවරුන්ද මෙලෙස සිය වත්කම් හා බැරකම් ප්‍රකාශ ප්‍රසිද්ධියට පත් කළේය.

Facebook Comments

HailHost