“ඛේමාගේ කොලුවා හිත හොඳ මිනිහෙක්” – ජනපති

0

ප්‍රජාතන්ත්‍රවාදය හා සංහිඳියාව වෙනුවෙන් කැපවු මංගල සමරවීර “හිත හොඳ මිනිහෙක්” බව ජනාධිපතිවරයා විසින් ප්‍රකාශ කර තිබේ.

එම කැප වීමට සිල්ලෝම ඔහු හට ගෞරව කරන බව ජනාධිපති මෛත්‍රීපාල සිරිසේන මංගල සමරවීර අමාත්‍යවරයාගේ දේශපාලන දිවියට දශක තුනක් සපිරීම නිමිත්තෙන් 28 බ්‍රහස්පතින්දා “ඛේමාගේ කොලුවා” යන තේමාවෙන් පැවති උත්සවයේදී කියා සිටියේය.

මංගල සමරවීර අමාත්‍යවරයා දේශපාලඥයෙකුට වඩා සෑම කෙනෙකු සමඟම මිතුරුදමක් ඇති කර ගන්නා සැබෑ ගුණ යහපත් මනුෂයෙකු බව ද ජනාධිපතිවරයා පැවසීය.

“ඔබ දක්ෂයෙක්, ඕනෑම වැඩක් කරන කෙනෙක් ඒ වගේම ඕනෙම කෙනෙකුගෙ හිත දිනා ගන්න පුලුවන් කෙනෙක්. ඔබේ දක්ෂතාවය, හැකියාව, දැනුම, ඔබේ බුද්ධිය, ඔබේ පරිණතභාවය රටට අවශ්‍යයි.” ජනපති අවධාරණය කළේය.

සැබෑ මානවාදී ප්‍රජාතන්ත්‍රවාදය ගරු කරන ජාතික සමගිය හා සංහිඳියාව ශක්තිමත් කිරිමේ ප්‍රමුඛ කාර්යයේ වගකීම් ඉසිලිය හැකි පුද්ගලයා මංගල සමරවීර බව පෙන්වා දුන් ජනපති ඔහුට දේශපාලන දිවියෙන් ඉදිරියට යාමට සුබ පැතුම් එක් ක‍රන ලදී.

අනිත් පැත්තේ සිටි මංගල සමරවීර අමාරු කාලයක එක්සත් ජාතික පක්ෂයට එක්වු බව කී අගමැති රනිල් වික්‍රමසිංහ 2015 දී විදේශය ඇමැති ධුරය හොබවමින් රටේ ගෞරවය යළි ස්ථාපිත කරමින් පරමාධිපත්‍ය ආරක්ෂා කිරීමට කැප වී කටයුතු කල බව කියා සිටියේය.

ජනාධිපතිවරයා හා අගමැතිවරයාගේ ප්‍රධානත්වයෙන් පැවති උත්සවයේ ප්‍රධාන දේශණය එක්සත් ජාතීන්ගේ සංවිධානයේ හිටපු එක්සත් ජනපද තානාපතිනී සැමැන්තා පවර් විසින් පැවැත්වු අතර හිටපු ජනපතිනි චන්ද්‍රිකා බණ්ඩාරනායක, හිටපු ජනපති විපක්ෂ නායක මහින්ද රාජපක්ෂ ඇතුළු මැති ඇමැතිවරුන් හා විදේශ දුත පිරිසද එක්ව සිටියහ.

Facebook Comments

wedding people