යුද අපරාධ චූදිතයකුට හමුදාව බාර දීමට දෙස් විදෙස් විරෝධය

0
457
wedding people
Loading...

උතුරේ අවසන් යුද්ධයේදී මානව හිමිකම් උල්ලංඝනය කළ බවට සහ යුද අපරාධ සිදු කිරිම සම්බන්ධව චෝදනාවට ලක්ව ඇති සෙන්පතියකු යුද හමුදාපති ධුරයට පත් කිරිම ගැන දේශියව මෙන්ම ජාත්‍යන්තරයේද විරෝධය එල්ල වී තිබේ.

යුද අපරාධ හා මානව හිමිකම් උල්ලංඝනය කළ බවට චෝදනා එල්ල වී ඇති මේජර් ජෙනරාල් ශවේන්ද්‍ර සිල්වා ශ්‍රී ලංකාවේ 23 වන හමුදාපතිවරයා ලෙස 19 සඳුදා ජනාධිපති මෛත්‍රිපාල සිරිසේන විසින් පත් කරන ලදි.

එක්සත් ජාතින්ගේ හා වෙනත් මානව හිමිකම් සංවිධාන වල චෝදනාවට ලක්ව ඇති මේජර් ජෙනරාල් ශවේන්ද්‍ර සිල්වා යුද හමුදාපති ධුරයට පත් කිරිම ගැන ඇමරිකා එක්සත් ජනපද තානාපති කාර්යාලය සිය කනස්සල්ල පළ කර ඇත.

සංහිඳියාව හා සමාජ සමගිය දැඩිව ඇති අවස්ථාවක කරන ලද එම පත් කිරිම මඟින් ජාත්‍යන්තරය හමුවේ ශ්‍රී ලංකාවේ කීර්තිනාමය හා යුක්තිය, වගකීම ප්‍රවර්ධනය සඳහා වු කැපවීම හෑල්ලුවට ලක් වන බවයි ශ්‍රී ලංකාවේ පිහිට එක්සත් ජනපද තානාපති කාර්යාලය නිවේදනයක් නිකුත් කරමින් කියා සිටින්නේ.

මේජර් ජෙනරාල් ශවේන්ද්‍ර සිල්වා යුද හමුදාපති ධුරයට පත් කිරිම දෙමළ ජනතාවට කරන ලද බරපත අපහාසයක් බවට චෝදනා කරන දෙමළ ජාතික සන්ධානය එම පත්කිරිම ගැන දැඩි ලෙස කලකිරීමට පත්ව ඇතැයි ට්විටර් පණිවුඩයක් නිකුත් කරමින් කියා සිටී.

යුද අපරාධ ගැන කුප්‍රකට පුද්ගලයෙකු යුද හමුදාපති ධුරයට පත් කිරිම මඟින් ශ්‍රී ලංකා ජනාධිපතිවරයා යුද හමුදාවට සහ රට හානියට පත් කර ඇතැයි ශ්‍රී ලංකාවේ සත්‍යය හා යුක්තිය සඳහා වන ජාත්‍යන්තර ව්‍යාපෘතිය (ITJP) සිය නිවේදනයෙන් චෝදනා කර තිබේ.

“මෙම පත් කිරීම ජාත්‍යන්තර නීතිය උල්ලංඝනය කිරීමට කැමැත්ත පළ කිරීමක්.” යැයි ITJP විධායක අධ්‍යක්ෂිකා යැස්මින් සුකා කියා සිටී.

උතුරු යුද්ධයේ අවසන් සමයේදී ශ්‍රී ලංකා යුද හමුදාවට බාර දීමෙන් හෝ බාර වීමෙන් පසු අතුරුදහන් වුවන් බාර ගන්නා ලද්දේ මේජර් ජෙනරාල් ශවේන්ද්‍ර සිල්වා එවක නායකත්වය දුන් 58 වැනි සේනාංකය විසින් බවටයි ITJP චෝදනා කරන්නේ.

මේජර් ජෙනරාල් ශවේන්ද්‍ර සිල්වා නායකත්වය දුන් 58 සේනාංකය මාස කිහිපයක කෙටි කාලය තුලදී දස දහස් සංඛ්‍යාත නිරායුද වැසියන් මරුමුවට පත් කරමින් රෝහල් වලට, කෑම පෝලිම් වලට සහ අනාථ කඳවුරු වලට 2009 දී හිතාමතා අඛණ්ඩ ප්‍රහාර එල්ල කළ බව එක්සත් ජාතීන්ගේ සංවිධානය විසින් සිදුකළ විමර්ශනයක දැක්වෙයි.

කාන්තාවන් සහ දරුවන් ද ඇතුළු පුද්ගලයන් නඩු නැතිව ඝාතනය කිරීම, සිය ගණනක් බලහත්කාරයෙන් අතුරුදහන් කිරීම මෙන්ම වධහිංසා සහ ලිංගික ප්‍රචණ්ඩතා වලට සම්බන්ධ වීම ගැනද මේජර් ජෙනරාල් සිල්වාගේ සෘජු අණදීම යටතේ පැවති ඒකක චෝදනා ලබා සිටී.

සුදු කොඩි රැගෙන පැමිණ භාර වීම ආරක්ෂා සහගත බවට ආණ්ඩුවෙන් දුන් සහතිකයක් විශ්වාස කොට ආ එල්ටීටීඊයේ දේශපාලන අංශ ප්‍රධානී බාලසිංහම් නඩේසන් සහ සාම කාර්යාංශ ප්‍රධානී සීවරත්නම් පුලිදේවන් ඇතුළු පිරිසක් 2009 මැයි මාසයේ නඩු විභාගයකින් තොරව ඝාතනය කිරීම ද නව හමුදාපතිවරයාට එල්ල වී තිබෙන චෝදනාවකි.

යුද හමුදා මාණ්ඩලික ප්‍රධානී ශවේන්ද්‍ර සිල්වා හට ජාත්‍යන්තර යුද අධිකරණයේ නඩු පැවරීමට ඕනෑ තරමටත් වඩා සාක්ෂි තමන් සතුව පවතින බව පවසන ITJP සංවිධානය “ශ්‍රී ලංකාවේ වඩාත්ම ඕනෑ කර තිබෙන පුද්ගලයා මොහු බවට තර්ක කළ හැකියැ,” යි මේජර් ජෙනරාල් ශවේන්ද්‍ර සිල්වා හමුදා මාණ්ඩලික ප්‍රධානියා ලෙස පත් කිරීමට විරෝධය දක්වමින් මීට ඉහතදී නිකුත් කළ නිවේදනයක කියා තිබුනි.

Facebook Comments

Loading...