මහජන ආරක්ෂාව සහතික කළ හැක්කේ ජාතික සමගියෙන් පමණයි (VIDEO)

0
116
wedding people
Loading...

ස්ථිරසාර මහජන ආරක්ෂාවක් නිර්මාණය කළ හැකි වන්නේ ජාතිය සමගිය තහවුරු කිරිමෙන් පමණක් බවට විසි වසරකට වැඩි කාලයකට පසුව ජනතා විමුක්ති පෙරමුණ නියෝජනය කරමින් ඉදිරි ජනපතිවරණයට තරඟ වැදීමට නාමයෝජිත අපේක්ෂකයා විශ්වාසය පළ කර තිබේ.

කිසිඳු ජාතිවාදියෙකුට හෝ අන්තවාදියෙකුට මහජන ආරක්ෂව සහතික කළ නොහැකි බව ජවිපෙ නායක අනුර කුමාර දිසානායක 18 ඉරිදා ජාතික ජන බලවේගය කොළඹ පැවත්වු ජන රැළියේදී අවධාරණය කළේය.

“ඔවුන්ට පුලුවන් මුර කපොලු වැඩි කරන්න, ඔවුන්ට පුලුවන් ගම්මාන බෙදා වෙන් කරන මුර කපොලු වැඩි කරන්න, හැබැයි මහජනයාගේ ආරක්ෂාව තහවුරු කළ හැකි වන්නේ සියලු ජනතාවන්ගේ අනන්‍යතා අයිතීන් පිලිගන්නා, ඒ ජනතාවගේ සංස්කෘතින්, භාෂාවන්ට ගරුත්වය පිළිගන්නා, ජාතික සමගිය නිර්මාණය කිරිමෙන් පමණක් බව අප විශ්වාස කරනවා.”

ජාතික සමගිය ගොඩනංවන ස්ථිරසාර මහජන ආරක්ෂාවක් වෙනුවෙන් කැප වන බවට ජවිපෙ ප්‍රමුඛ ජාතික ජන බලවේගය නියෝජනය කරමින් ඉදිරි ජනපතිවරණයට තරඟ වැදීමට අපේක්ෂාවෙන් සිටින අනුර කුමාර දිසානායක පැවසීය.

මානව සමාජය ඉදිරියට පැමිණියේ නිදහස් අදහස් ගැටී නිවැරදි අදහස් ඉදිරියට ආ නිසාවෙන් බව පෙන්වා දුන් ජවිපෙ නායකයා එවැනි නිදහස් අදහස් ගැටෙන ප‍්‍රජාතන්ත‍්‍රවාදී පරිසරයක් නිර්මාණය කරන බවට ද පොරොන්දු විය.

ජනතා විමුක්ති පෙරමුණ නියෝජනය කරමින් ජනාධිපති ධුර අපේක්ෂකයෙකු මෙලෙස ඉදිරිපත් කරන්නේ වසර 20කට පසුවයි.

අවසන් වරට 1999 වසරේදී නන්දන ගුණතිලක එම පක්ෂයේ ජනාධිපති අපේක්ෂකයා ලෙස ඉදිරිපත් වෙමින් තුන්වන ස්ථානය දිනා ගත්තේ ය.

2005 වසරේ පැවති ජනාධිපතිවරණයේදී මහින්ද රාජපක්ෂටත්, 2010 වසරේදී සරත් ෆොන්සේකාටත් සහය පළ කල ජනතා විමුක්ති පෙරමුණ 2015 වසරේදී කිසිඳු ජනාධිපති අපේකෂකයෙකු ඉදිරිපත් කළේ නැත.

Facebook Comments

Loading...