එක්සත් ජනතා නිදහස් සන්ධානයේ හිටපු පාර්ලිමේන්තු මන්ත්‍රී ශාන්ත බණ්ඩාර ඉල්ලා අස්වීමෙන් හිස් වු මන්ත්‍රී ධුරයට තමන්ව පත් කරන ලෙස හිටපු ජනපතිනිය වත්මන් ජනාධිපතිවරයාගේ ඉල්ලා තිබේ.
එමෙන්ම පොහොට්ටු පක්ෂයේ නායකත්වය ලබා ගත් විපක්ෂ නායක මහින්ද රාජපක්ෂ එම ධුරයෙක් ඉවත් කර මන්ත්‍රී ධුරයෙන්ද නෙරපා දමන ලෙස හිටපු ජනපතිනි චන්ද්‍රිකා බණ්ඩාරනායක ජනාධිපතිවරයාගෙන් ඉල්ලා ඇති අතර එම සම්මේලනයට සහභාගිවු අනෙක් මන්ත්‍රීවරු ගැන විනය ක්‍රියාමාර්ග ගන්නා ලෙසද දන්වා ඇත.
කෙසේ වෙතත් හිටපු ජනපතිනියගේ ඉල්ලීම් වලට මෙතෙක් ජනාධිපති මෛත්‍රීපාල සිරිසේන ප්‍රතිචාර දක්වා නැති අතර ඇයගේ ඉල්ලීම් ඉටු කර එම සහාය ලබා ගන්නා ලෙස ජනපති උපදේශකයින් කිහිප දෙනෙකු ජනාධිපතිවරයාට යෝජනා කර ඇති බවයි වාර්තා වන්නේ.
මේ අතර ශ්‍රීලනිප නැවත ගොඩනැංවීමට තමන් පියවර ගන්නා බව හිටපු ජනපතිනිය පක්ෂයේ ආසන කළමනාකරුවන් හමුවේ පසුගියදා පොරොන්දු වී තිබේ.
ඒ සඳහා සිය සහාය ලබා දීමට එම පිරිස් එකඟ වී ඇති අතර පක්ෂය ප්‍රතිසංවිධානය කිරීම පිළිබඳව සාකච්ඡාවක් හිටපු ජනපතිනි චන්ද්‍රිකා බණ්ඩාරනායක හා ශ්‍රීලනිප ජේෂ්ඨයන් අතර සිදුවු බවයි පක්ෂයේ අභන්තර ආරංචි මාර්ග සඳහන් කරන්නේ.
Facebook Comments
