අලුත් ව්‍යවස්ථාව කවදාද? ජාත්‍යන්තරයටත් සැකයක්

0

ජාතික ප්‍රශ්නය විසඳීමට සහ ශ්‍රී ලංකාව තුල සංහිඳියාව ඇති කිරීම සඳහා ගෙන ඒමට සුදානම් වන නව ව්‍යවස්ථාව නිර්මාණය වීම සැක සහිත බව ලොව මුල් පෙළේ ජාත්‍යන්තර මානව හිමිකම් සංවිධානයක් පවසයි.

ව්‍යවස්ථා සංශෝධන සහිත අවසන් වාර්තාවක් පිළිබඳව බලාපොරොත්තු විය හැක්කේ කවදා දැයි ආණ්ඩුව කාල වකවානුවක් දන්වා නොමැති බව ලෝකයේ විවිධ රටවල් මානව හිමිකම් ආරක්ෂා කිරීම සම්බන්ධයෙන් පසුගිය අවුරුද්දේ කටයුතු කළ ආකාරය පිළිබඳ වාර්තාවක් නිකුත් කරන හියුමන් රයිට්ස් වොච් සංවිධානය (HRW) කියා සිටි.

විදෙස් විනිසුරන්ද ඇතුලත් විශේෂ අධිකරණයක් ඇතුලුව යුද්ධයෙන් පසු සංක්‍රන්ති යුක්තිය සලසා දීම සඳහා පලවත් කිසිවක් යහපාලන රජය විසින් ක්‍රියාත්මක කර නොමැති බවටද හියුමන් රයිට්ස් වොච් සිය වාර්තාවෙන් චෝදනා කර ඇත.

OMP

බලහත්කාරයෙන් අතුරුදහන් කරනු ලැබුවන් සොයා ගැනීම සඳහා යෝජිත අතුරුදහන් වුවන් පිළිබඳ කාර්යාලය (OMP) 2017 දක්වා ක්‍රියාත්මක කර නොමැති බව මෙන්ම ඒ සඳහා සාමාජිකයන් පත් නොකිරීම පිළිබඳවද HRW වාර්තාවෙන් විස්තර කොට තිබේ.

“OMP කාර්යාලය තීරණය කරනු ලැබුවේ පීඩාවට පත් කණ්ඩායම් සමඟ නිසි ආකාර සාකච්ඡාවක් පවත්වා නොවන බව අතුරුදහන් වුවන්ගේ ඥතීහු පවසති. විශේෂයෙන්ම එය සම්මත කරනු ලැබුවේ ප්‍රවිචාරණය අවසන් වීමටත් පෙරය. එමනිසා ප්‍රවිචාරණ නිර්දේශ සමහරක් වන සමාජ මානසික සහනය, වින්දිතයන් සහ සාක්ෂිකරුවන් ආරක්ෂා කිරිමේ වැඩසටහන, සුළුතර අයිතීන් ආරක්ෂා නොවීම, තමන්ගේ මළවුවන් සිහිපත් කිරිම ආදී පොදු ශෝක විමේ සංකේතාත්මක අවස්ථා වලට ඉඩ සලසා නැත,” යි වාර්තාවේ සඳහන් කර ඇත.

යුද්ධයේ අවසාන භාගයේදී ශ්‍රී ලංකා යුද හමුදාවට භාරදෙන ලදුව අතුරුදහන් වුවන්ගේ ලැයිස්තුවක් එලි දැක්වීමට ජනාධිපති මෛත්‍රිපාල සිරිසේන ලබා දුන් පොරොන්දුව ඉටු නොකිරීමද HRW වාර්ෂික වාර්තාවේ විශේෂ අවධානයට යොමුවී තිබේ.

Facebook Comments

wedding people