මෛත්‍රීට සහාය නොදෙන්න පොහොට්ටුවේ පළාත් මන්ත්‍රීවරු තීරණය කරයි

0

ඉදිරි ජනාධිපතිවරණ අපේක්ෂකයා ලෙස ජනාධිපති මෛත්‍රීපාල සිරිසේන ඉදිරිපත් වුවත් ඔහුට සහය නොදීමට ශ්‍රී ලංකා පොදුජන පෙරමුණේ පළාත් සභා මන්ත්‍රී සංසදය තීරණය කර තිබේ.

පසුගියදා රැස්වු මන්ත්‍රී සංසදය මෙම තීරණයට පැමිණි ඇත්තේ පළාත් සභා මන්ත්‍රී ප්‍රමිත බණ්ඩාර තෙන්නකෝන් විසින් සිදුකර ඇති යෝජනාවකට අනූවයි.

ශ්‍රී ලංකා පොදුජන පෙරමුණ සහය දෙන ජනාධිපති අපේක්ෂකයා එම පක්ෂයේම විය යුතු බව හා එසේ නොවන අපේක්ෂකයකුට පළාත් සභා මන්ත්‍රී සංසදය සහය නොදැක්විය යුතු බවටයි මන්ත්‍රීවරයා යෝජනා කර ඇත්තේ.

ප්‍රමිත බණ්ඩාර තෙන්නකෝන් මන්ත්‍රීවරයා ඉදිරිපත් කල ඇති යෝජනාව ඒකමතිකව සම්මත වී ඇති අතර මැතිවරණයක් සදහා ඉදිරිපත් වන්නේ නම් ඒ සදහා පොහොට්ටුව ලකුණ යටතේ පමණක් තරග කිරීමේ යෝජනාවක් ද එහිදී සම්මත කරගෙන තිබේ.

“මහින්ද රාජපක්ෂ මහතායි මේ රටේ මිනිස්සු ඉල්ලන නායකයා. මේ රටේ බහුතර ජනතාව නියෝජනය කරන මතය අපෙක්ෂකයා තෝරා ගැනීමේදි සැලකිල්ලට ගත යුතු බවයි අපි විශ්වාස කරන්නේ.” යැයි පසුගිය දා පැවති මාධ්‍ය හමුවක දී පාර්ලිමේන්තු මන්ත්‍රී කාංචන විජේසේකර ප්‍රකාශ කළේය.

Facebook Comments

wedding people