නව ව්‍යවස්ථාවෙන් සංහිඳියාව පිරි රටක් ගොඩනංවනවා – ඇමැති හරීන්

0

සෑම ජාතියකටම, ආගමකටම එකට ජිවත් විය හැකි සංහිඳියාව පිරි රටක් එක්සත් ජාතික පක්ෂය විසින් නිර්මාණය කරන බවට ක්‍රීඩා හා ඩිජිටල් යටිතල පහසුකම් අමාත්‍යවරයා ප්‍රකාශ කර තිබේ.

යෝජිත නව ව්‍යස්ථාව හරහා රට බෙදන බවට ඇතැමුන් චෝදනා කලද එකා මෙන් එකට එක්ව ජීවත්විය හැකි පරිසරයක් ගොඩනැගෙන ව්‍යවස්ථාවක් නිර්මාණය කිරීමට කටයුතු කරන බවට බදුල්ලේ දී ක්‍රීඩා භාණ්ඩ බෙදා දීමේ උත්සවයකින් අනතුරු අමාත්‍ය හරීන් ප්‍රනාන්දු මාධ්‍ය වෙත පැවසීය.

නව ව්‍යවස්ථාවෙන් දැනට පවතින ආගම්, ජාති ප්‍රශ්න වලට පිළියම් ලැබෙනු ඇති බවටයි අමාත්‍යවරයා විශ්වාසය පළ කරන්නේ.

“යම් කණ්ඩායම් පෙඩරල් හෝ රට බෙදන ක්‍රමයක් ලෙස හැදින්වුවත් ඉදිරියේ දී බිහිවන ව්‍යවස්ථාව සෑම කෙනෙකුටම එකා මෙන් එකට එක්ව ජීවත්විය හැකි පරිසරයක් ගොඩනැගෙන ව්‍යවස්ථාවක්. එවිට දැනට පවතින ආගම්, ජාති ප්‍රශ්න ජනතාව තුලට ගැටළුකාරී මට්ටමට ගමන් නොකරනු ඇති බව ද අපට කියන්න පුළුවන්.”

ඒකීය රටක් ලෙස ඉදිරියට යන ව්‍යවස්ථාවක් ඉදිරියේදී නිර්මාණය වන බව අමාත්‍ය හරීන් ප්‍රනාන්දු වැඩි දුරටත් මාධ්‍ය වෙත කියා සිටියේය.

Facebook Comments

wedding people