“බොරු බෙදුම්වාදී බිල්ලෙක් මවනවා” – විජිත හේරත්

0

යෝජිත නව ව්‍යවස්ථාව පෙන්වමින් පොහොට්ටු පක්ෂයේ පිරිස් බොරු බෙදුම්වාදී බිල්ලෙක් මවාපාමින් සිටින බවට ජනතා විමුක්ති පෙරමුණ චෝදනා කර තිබේ.

“අළුතින් ව්‍යවස්ථාවක් තියා කෙටුම්පතක්වත් හඳනා නැහැ..පොහොට්ටුවේ කණ්ඩායම කිව්වා පෙරබරවාරි 4 වෙනකොට රට කඩනවා,බෙදනවා කියලා. බොරු බෙදුම්වාදී බිල්ලෙක් මැව්වා.” යැයි විජිත හේරත් මන්ත්‍රීවරයා ප්‍රකාශ කරයි.

පාර්ලිමේන්තුවට ඉදිරිපත් කර ඇත්තේ ව්‍යවස්ථාව පිළිබඳව විද්වත් කමිටු වාර්තාව පමණක් බව පෙන්වා දෙන ජවිපෙ ප්‍රචාරක ලේකම්වරයා රට බෙදන හෝ ඊලාම්වාදී බිල්ලන්ගේ කතා වලට නොරැවටෙන ලෙස ජනතාවගෙන් ඉල්ලා සිටී.

යෝජිත නව ව්‍යවස්ථාව හරහා රට බෙදීමක් හෝ කැඩීමක් සිදු නොවන බව අවධාරණය කරන මන්ත්‍රීවරයා “ව්‍යවස්ථාවක් සම්මත වෙන්න පාර්ලිමේන්තුවේ තුනෙන් දෙකක බහුතරයක් අවශ්‍ය වෙනවා. ඒ වගේම ජන මත විචාරනයක දි ජනතාව ඉදිරියට ගිහිල්ලා ඊට අනුමැති ගන්න අවශ්‍යයි. බෙදුම්වාදය ඉලක්කකර කවුරු හරි යෝජනාවක් ඉදිරිපත් කරළා තියනවා නම් ජනතාවට පුළුවන් ඒක පරාජය කරන්න” යි කියා සිටියේය.

1978 ආණ්ඩුක්‍රම ව්‍යවස්ථාව අදට නොගැලපෙන බැවින් නව ව්‍යවස්ථාවක් රටට අත්‍යවශය බව ජනතා විමුක්ති පෙරමුණේ ප්‍රචාරක ලේකම් විජිත් හේරත් වැඩි දුරටත් ප්‍රකාශ කළේය.

Facebook Comments

wedding people