පළාත් සභා කිහිපයක කාලය අවසන් වී මැතිවරණ නොපවත්වා සිටීම ප්‍රජාතන්ත්‍රවාදයට අහිතකර තත්ත්වයක් මෙන්ම 13 වන ආණ්ඩුක‍්‍රම ව්‍යවස්ථා සංශෝධනය මගින් අපේක්ෂා කළ අරමුණු වලට ද පටහැනි බව ජනාධිපතිවරයා විසින් ප්‍රකාශ කර තිබේ.
එබැවින් ජනාධිපතිවරණයකට පෙර පළාත් සභා මැතිවරණය පැවැත්විය යුතු බවට ජනාධිපති මෛත්‍රීපාල සිරිසේන ශ‍්‍රී ලංකා නිදහස් පක්ෂ ආසන සංවිධායකවරුන් සමඟ පැවති හමුවක දී කියා සිටියේය.
පළාත් සභා මැතිවරණය පැවැත්වීම සම්බන්ධව මැතිවරණ කොමසාරිස්වරයා සමඟද මේ වන විට සාකච්ඡා කර අවසන් බවයි ජනාධිපතිවරයා මෙහිදී පවසා ඇත්තේ.
කෙසේ වෙතත් පළාත් සභා මැතිවරණය පවත්වනුයේ පැරණි ජන්ද ක්‍රමයටද නැතහොත් නව ක්‍රමයට ද යන්න ජනාධිපතිවරයා පැවසු බවක් ජනපති මාධ්‍ය ඒකකය විසින් වාර්තා කර නොමැත.
Facebook Comments
