සම්මුතිවාදී යහපාලන රජයේ පළමු කාර්යය ලෙස රට තුළ ප්‍රජාතන්ත්‍රවාදය ස්ථාපිත කල බවට අගමැතිවරයා ප්‍රකාශ කර තිබේ.
“අපි ආණ්ඩුව භාර ගත්තට පස්සේ මේ සියළු වැඩ කටයුතු එක පාරට කිරීමය හැකියාවක් තිබුනේ නෑ.අපි මුලින්ම කළේ මේ රටේ ප්‍රජාත්‍රන්තවාදය තහවුරු කළා.19 වන ආණ්ඩුක්‍රම ව්‍යවස්ථාව සංශෝධනය කරල පාර්ලීමේන්තුවේ බලතල වැඩිකළා.ස්වාධීන කොමිෂන් සභා ඇති කරල ජනාධිපතිවරයාගේ,අගමැතිවරයාගේ,ඇමතිවරුන්ගේ ඇති බලතල සීමා කළා.අපි නීතියට අනුව වැඩකටයුතු කරල නිතියේ අධිපත්‍ය තහවුරු කළා.පාර්ලීමේන්තුවේ අධිපත්‍ය ඇති කළා.”
“තොරතුරු දැන ගැනීමේ පනත අපි ඉදිරිපත් කළා.අපි මාධ්‍ය නිදහස ඇති කළා ඒ නිදහස කොච්චරද කියනවානම් අද මට බනින්නේ නැති පෞද්ගලික මාධ්‍ය හොයා ගැනීම කිසා ගෝතමී අබ ඇටයක් හොව්වා වගෙයි.” අගමැති රනිල් වික්‍රමසිංහ ප්‍රකාශ කළේය.
රටේ පැවති දේශපාලන සංස්කෘතිය කඩ කරමින් ජනාධිපති මෛත්‍රිපාල සිරිසේනගේ ජයග්‍රහණය වෙනුවෙන් වැඩකටයුතු කිරිමෙන් අනතුරුව මහ මැතිවරණයෙන් ජාතික ආණ්ඩුවක් බිහි කල බවට අගමැතිවරයා ”හුස්ම ගත්තු වසර තුනක්” තේමාව යටතේ යහපාලන රජයට වසර තුනක් සපිරීම නිමිත්තෙන් රත්නපුර සීවලී ක්‍රිඩාංගනයේදි පැවැති ඉඩම් ඔප්පු දසලක්ෂයක් බෙදි දීමේ ජාතික වැඩසටහන එක්වෙමින් පැවසීය.
2020 සමස්ථ ණය බර දළ දේශීය නිෂ්පාදිතයෙන් 70% ක් පමණ අවම කිරිමට කටයුතු කරන බව කී අග්‍රාමාත්‍යවරයා රටේ තරුණ පරපුරට මේ ණය ඉතිරි නොකර ගෙවා දැමීමට අපි කටයුතු කරන බව කියා සිටියේය.
යහපාලන රජය බාර ගනු ලැබුවේ “ණය වලක්” බව පැවසු අගමැති රනිල් වික්‍රමසිංහ “ණය වලෙන් අපි ගොඩ එන්ඩ ඔනේ.ණය වල පුරවමින් අපි දැන් ඉන්නේ.” යැයි වැඩි දුරටත් සඳහන් කළේය.
ඉඩම් හා පාර්ලීමේන්තු ප්‍රතිසංස්කරණ අමාත්‍ය ගයන්ත කරුණාතිලක මෙහෙයවීමෙන් පැවැති මෙම වැඩසටහනේදි රත්නපුර දිස්ත්‍රික්කයේ රජයේ ඉඩම්වල පදිංචිකරුවන්ට එවායේ අයිතිය පිළිබඳ නීත්‍යානුකූල අයිතිය හිමිවන පරිදි ඉඩම් ඔප්පු 4000 ක් පමණ මෙහිදි ප්‍රධානය කිරිමට කටයුතු යොදා තිබිණි.
Facebook Comments
