ආණ්ඩුවේ මන්ත්‍රිවරුන්ට රුපියල් ලක්ෂ දෙක බැගින් අතිරේක මුදලක් ලබා දීම මන්ත්‍රිවරුන් ආණ්ඩුවේම තබා ගැනීමට දුන් කප්පමක් බවට ජනතා විමුක්ති පෙරමුණ චෝදනා කරයි.
එම අතිරේක මුදල ලබා දීම මුළුමනින්ම රාජ්‍ය මූල්‍ය විනය උල්ලංඝනය කිරීමක් ලෙස විපක්ෂයේ ප්‍රධාන සංවිධායක, ජවිපෙ නායක අනුර දිසානායක පැවසු බව මව්බිම පුවත්පත වාර්තා කර තිබේ.
එකී මුදල් වැඩි කළේ අය වැයේ කවර වැය ශීර්ෂය යටතේද සහ එය මුළුමනින්ම ආණ්ඩුවේ මන්ත්‍රී කණ්ඩායම තමන් වෙත තබා ගැනීමේ කප්පමක් නොවන්නේ කෙසේද යන්න ප්‍රශ්න කිරීට තමන් සුදානම් බවයි ජවිපෙ නායකයා පවසන්නේ.
පාර්ලිමේන්තු මන්ත්‍රිවරයකුට ලබාදෙන වැටුප් හා අනෙකුත් වරප්‍රසාද නිශ්චිත කර ඇති අතර මේ ආකාරයට මුදල් හා වරප්‍රසාද ලබා දිමේ සම්ප්‍රදාය අහෝසි කල යුතු බවට විපක්ෂයේ ප්‍රධාන සංවිධායක, ජවිපෙ නායක අනුර දිසානායක වැඩි දුරටත් පවසා තිබේ.
Facebook Comments
