බලහත්කාරයෙන් අතුරුදහන් කරන ලද වින්දිතයන්ගේ ජාත්‍යන්තර දිනය සමරමින් අතුරුදහන් වූ තැනැත්තන් පිළිබඳ කාර්යාලය (OMP) විසින් සකස් කරන ලද අතුරු නිර්දේශ සහිත අතුරු වාර්තාවක් එළි දක්වන බවට එම කාර්යාලය නිවේදනය කරයි.
අතුරුදහන් කරවීම් වලට එරෙහි ජාත්‍යන්තර දිනය වන අගෝස්තු 30 වනදා එම දිනය සමරමින් කොළඹ 7, ශ‍්‍රීමත් අනගාරික ධර්මපාල මාවතේ පිහිටි ජේ,ආර්,ජයවර්ධන කේන්ද්‍රයේදී සිය වාර්තාව නිකුත් කරන බවයි OMP කාර්යාලය පවසන්නේ.
“අතුරුදහන් කිරීම්වලට ඉඩ නොතබමු” තේමාව යටතේ ජාත්‍යන්තර උත්සවය මෙරට පවත්වන අතර සැමරුම් උත්සවයට අතුරුදහන් වූ තැනැත්තන්ගේ ඥාතීන් සහ සිවිල් සමාජයේ ක‍්‍රියාධරයන් සහභාගි වීමට නියමිතව ඇත.
අතුරුදහන් වූ තැනැත්තන් පිළිබඳ විසඳුම් සෙවීමෙි අරගලයට වැදගත් ජයග‍්‍රහණයක් වූ 2018 අංක 5 දරන බලහත්කාරයෙන් අතුරුදහන් කිරීම්වලින් ආරක්ෂා කිරීම සඳහා වූ ජාත්‍යන්තර සම්මුති පනත සම්මත කිරීම සහ 2018 පෙබරවාරි මස අතුරුදහන් වූ තැනැත්තන් පිළිබඳ කාර්යාලය පිහිටුවීම තුලින් මෙම සැමරුමේ විශේෂත්වයක් බවයි රජයේ නිල වෙබ් අඩවියේ සඳහන් වන්නේ.
සැමැරුමේ ප්‍රධන දේශනය ශ‍්‍රී ලංකා මානව හිමිකම් කොමිසමේ සභාපතිනිය, ආචාර්ය දීපිකා උඩගම විසින් පවත්වන අතර අතුරුදහන් වූ තැනැත්තන්ගේ ඥාතීන්ගේ නියෝජිතයන් ද එදින රැස්වීම ඇමතීමට නියමිත බවයි අතුරුදහන් වූ තැනැත්තන් පිළිබඳ කාර්යාලය (OMP) වැඩි දුරටත් නිවේදනය කරන්නේ.
Facebook Comments
