තහංචි බිඳිමින් යාපන සරසවියේ දෙමළ මහවිරු සමරු (VIDEO)

0

තුන් දශකයක යුද්ධයෙන් දිවි තොරවූ විමුක්ති කොටි සටන්කරුවන් ඇතුළු දස දහස් සංඛ්‍යාත දෙමළ ජනකාය සිහිපත කරමින් යාපන විශ්ව විද්‍යාල සිසු සිසුවියන් තහංචි බිඳ දමමින් මහ විරු අනුස්මරණය පවත්වා තිබේ.

යාපනය විශ්ව විද්‍යාලයේ සියලු පිඨ වල සිසුන්ට විශ්ව විද්‍යාල භූමියට ඇතුල් වීමට හා අවසර නොලබා උත්සව සංවිධානය කිරිම නොවැම්බර් 27 හා 28 දෙදිනේ තහනම් කරමින් විශ්ව විද්‍යාල පරිපාලනය විසින් නියෝයක් ද නිකුත් කර තිබුනි.

කෙසේ වෙතත් 27 බදාදා විශ්ව විද්‍යාලය ඉදිරිපිටට රැස්වු සිසුන් වසා දමා තිබු ගේට්ටු විවර කර විශ්ව විද්‍යාල භූමියට ඇතුල් වී එහි ඉදිරි කර ඇති මහවිරු සමාධිය අභියස අනුස්මරනය පවත්වන විඩියෝ සිලෝන් නිව්ස් වෙත ලැබී ඇත.

දෙමළ විමුක්ති අරගලය වෙනුවෙන් මාරාන්තික උපවාසයක යෙදී ජීවිතය පරිත්‍යාග කිරීම නිසා ත්‍යාගී තිලීපන් සිහි කරමින් යාපනයේ ඉදිරිකර ඇති සමරු පලකය අසල උතුරු පලාත් හිටපු අමාත්‍ය එම්.කේ සිවාජිලංගම් ඇතුළු පිරිසක් මහවිරු සමරුවක් පවත්වා තිබේ.

රජයේ බලධාරින් විසින් උතුරු නැගෙනහිර මහවිරු සමරුව පැවැත්වීම තහනම් කර නොමැති බව පවසන ගජේන්ද්‍ර කුමාර් පොන්නම්බලම් එහෙත් රජයේ හමුදා සහ පොලිසිය විවිධ ස්ථාන වල දී මහවිරු සමරු වලට බාධා කර ඇතැයි ට්විටර් පණිවුඩයක් නිකුත් කරමින් කියා සිටී.

Facebook Comments

wedding people