අලුත් ආණ්ඩුවේ ජනමාධ්‍ය දඩයමක් ගැන අනතුරු ඇඟවීමක්

0
406
Ivory Agency Sri Lanka
HailHost
wedding people

නව රජයේ ජනමාධ්‍ය අමාත්‍යවරයා සිය ධුරයේ වැඩ ආරම්භ කළ දිනයේම මාධ්‍ය දඩයමක් දියත් කිරීම ගැන හිටපු මාධ්‍ය ඇමැතිවරයෙකු අනතුරු අඟවා තිබේ.

ද ලීඩර් වෙබ් අඩවියේ මාධ්‍යවේදී සංජය ධනුෂ්කගෙන් අපරාධ පරීක්ෂණ දෙපාර්තමේන්තුව 26 අඟහරුවාදා පැය 8කට වැඩි කාලයක් ප්‍රශ්න කළ බව පවසන හිටපු ඇමැති මංගල සමරවීර ඔවුන්ගේ ඊළඟ ඉලක්කයවී ඇත්තේ තම මාධ්‍ය ලේකම් රුවන් ෆර්ඩිනෑන්ඩස් දැයි ට්විටර් සටහනක් තබමින් ප්‍රශ්න කර ඇත.

“දඩයම ආරම්භ වී ඇත! මැතිවරණ සමයේදී සජිත්ට සහාය දක්වන ජනප්‍රිය යූ ටියුබ් වෙබ් අඩවියක් වන TheLeader.lk හි ප්‍රවෘත්ති ප්‍රකාශක වන සංජය ධනුෂ්ක පැය 8 ක් රහස් පොලිසිය විසින් ප්‍රශ්න කරන ලදී. මගේ මාධ්‍ය ප්‍රධානී රුවන් ෆර්ඩිනැන්ඩස් ඊළඟ ඉලක්කය වන්නේද?”

මාධ්‍ය මර්දනයක්, නිදහස සීමා කිරීමක් හෝ යහ පැවැත්මට අහිතකර ක්‍රියාවක් යෙදීමට ජනාධිපතිවරයා , අගමැතිවරයා හා භාරකාර රජයේ කිසිවෙකුත් මැදහත් නොවන බව තොරතුරු සහ සන්නිවේදන තාක්ෂණ අමාත්‍ය බන්දුල ගුණවර්ධන 26 අඟහරුවාදා සිය ධුරයේ වැඩ අරඹමින් කියා සිටියේය.

තවත් මාධ්‍යවේදීන් CID කැඳවයි

“ද ලීඩර්” වෙබ් අඩවියේ මාධ්‍යවේදිනියකට වහාම අපරාධ පරීක්ෂණ දෙපාර්තුමේන්තුව හමුවේ පෙනී සිටින ලෙස දන්වා තිබේ.

මාධ්‍යවේදිනි තුෂාර සෙව්වන්දි විතාරණ හට දුරකතනය ඔස්සේ 27 බදාදා රහස් පොලිසිය විසින් දන්වා ඇත්තේ ප්‍රකාශයක් ලබා ගැනීමට වහාම පැමිණෙන ලෙසයි.

පුද්ගලික හේතුවක් මත අද දිනයේ පැමිණිමට නොහැකි බව දන්වා ඇති ඇය 28 බ්‍රහස්පතින්දා අපරාධ පරීක්ෂණ දෙපාර්තුමේන්තුව හමුවේ පෙනී සිටින බව දන්වා ඇත.

“ද ලීඩර්”හි යූ ටියුබ් නාලිකාවේ ප්‍රවෘත්ති නිවේදකයා වූ සංජය ධනුෂ්ක 26 අඟහරුවාදා අපරාධ පරීක්ෂණ දෙපාර්තුමේන්තුව කැඳවා පැය 8කට වැඩි වෙලාවක් ප්‍රශ්න කර තිබුණි.

Facebook Comments

HailHost