වත්මන් රජයේ ගෙවී ගිය කාලය තුළ විධායක ජනාධිපති ධුරය අහෝසි කරන නව ව්‍යවස්ථාවක් සකස් කිරීමට පාර්ලිමේන්තුව කටයුතු නොකිරීම ජනාධිපතිවරයාගේ දෝෂ දර්ශනයට ලක්ව තිබේ.
නව ආණ්ඩුක්‍රම ව්‍යවස්ථාවක් සකස් කිරීමට වෙනුවෙන් කෝටි ගණනක මුදල් වියදමු කළද සිදුවු දෙයක් නොමැති බවටයි ජනාධිපති මෛත්‍රීපාල සිරිසේන චෝදනා කරන්නේ.
“පහුගිය අවුරුදු හතර හමාරෙන් අවුරුදු හතරක්ම පාර්ලිමේන්තුව ඉන්න මහත්තුරු අලුත් ආණ්ඩුක්‍රම ව්‍යවස්ථාවක් හැදුවා. ඒකට කෝටි ගාණක් වියදම් කෙරුවා. අපේ මැති ඇමැතිවරු ආණ්ඩුක්‍රම විශේෂඥයෝ කෝටි ගණන් වියදම් කරලා ආණ්ඩුක්‍රම ව්‍යවස්ථා අධ්‍යනය කරන්න ලෝකේ රටවල් වල ගියා. නමුත් අවුරුදු හතර හමාරක් පාර්ලිමේන්තුවේ ලොකු මහත්තුරු කරපු දෙයක් නෑ.” යි ජනාධිපතිවරයා 30 සිකුරාදා යාපනයේ පැවති “රට වෙනුවෙන් එකට සිටිමු” වැඩසටහනට එක්වෙමින් පැවසීය.
නව ව්‍යවස්ථාවක් සකස් කිරීමට හෝ විධායක ජනාධිපති ධුරය අහෝසි කිරීමට තමන් බාධා නොකල බව කී ජනපති අවුරුදු හතරහමාරක් තිස්සේ උතුරේ හා දකුණේ ජනතාව රැවටු බවට චෝදනා කළේය.
ගෙවී ගිය කාලය තුළ දේශපාලන හේතු මත ආණ්ඩුවේ තුවක්කු පත්තු නොවු බවත් එය මින් පෙර සිටි කිසිඳු ජනාධිපතිවරයෙකු යටතේ සිදු නොවනු දෙයක් බව ද මෛත්‍රීපාල සිරිසේන ජනාධිපතිවරයා වැඩි දුරටත් කියා සිටියේය.
Facebook Comments
