දෙවතාවක්ම සංශෝධනය කල ඇමති මණ්ඩලය ඉදිරි සතියේදී තෙවන වරටත් සංශෝධනයට ලක් කිරීමට නියමිත බව ජනාධිපති ලේකම් කාර්යාලයේ ආරංචි මාර්ග පවසයි.
පසුගිය දෙවතාවේදීම සංශෝධනය කළ යුතු සියලු අමාත්‍යංශ සංශෝධනය නොවූ බැවින් ඉතිරි වු ඇමති ධුරයන් කිහිපයක් මෙසේ සංශෝධනය වනු ඇති බවයි වාර්තා වන්නේ.
මෙහිදී උසස් අධ්‍යාපන, අධිකරණ, ක්‍රීඩා, සෞඛ්‍ය හා ප්‍රවාහන යන අමාත්‍යංශ සංශෝධනය වීමට වැඩි ඉඩ කඩක් පවතින බවයි ජනාධිපති ලේකම් කාර්යාලයේ ප්‍රකාශකයෙක් කියා සිටියේ.
එක්සත් ජාතික පක්ෂයේ අමාත්‍යවරුන් පමණක් සිටින අමාත්‍යංශ සඳහා ශ්‍රී ලංකා නිදහස් පක්ෂ නියෝජ්‍ය අමාත්‍යවරු පත් කිරීමටද ජනාධිපතිවරයා තීරණය කර තිබේ.
නීතිය හා සාමය අමාත්‍යංශය බොහෝ දුරට ජනාධිපතිවරයා විසින් පවරා ගැනීමට ඉඩ කඩ ඇති අතර ආරක්ෂක රාජ්‍ය අමාත්‍ය රුවන් විජේවර්ධන හට එම තනතුරට අමතරව තවත් රාජ්‍ය අමාත්‍යධූරයක් හිමි වනු ඇති බව දේශපාලන ආරංචි මාර්ග පවසයි.
Facebook Comments
