එක්සත් ජාතික පක්යේ ජනාධිපති අපේක්ෂක සජිත් ප්‍රේමදාස වෙත පක්ෂය විසින් කිසිඳු කොන්දේසියක් පනවා නැතැයි පක්ෂයේ උපනායක ප්‍රකාශ කර තිබේ.
සජිත් ප්‍රේමදාස අමාත්‍යවරයා හට ජනපති අපේක්ෂකත්වය ලබා දුන්නේ කොන්දේසි කිහිපයක් පනවා බවට පළ වු මාධ්‍ය වාර්තා ප්‍රතික්ෂේප කරන ඇමැතිවරයා පක්ෂයේ සිදුකරන අභ්‍යන්තර සාකච්ඡා පිටස්තරයන්ට දියයුතු නැති බවද කියා සිටියේය.
“මේ වනවිට අපේ පක්ෂයෙන් ජනාධිපති අපේක්ෂකයෙක් නම්කරලා තිබෙන්නේ. එතුමා ජනාධිපති කරන්න අපි සියළු දෙනාම අත්වැල් බැඳගෙන කටයුතු කරනවා. පසුගිය දිනවල මාධ්‍ය ඔස්සේ ප්‍රචාරය වුණා එක්සත් ජාතික පක්ෂයෙන් කොන්දේසි රාශියක් මත සජිත් ප්‍රේමදාස මහතාට අපේක්ෂකත්වය ලබාදුන්නේ කියලා. නමුත් එම ප්‍රචාරයේ කිසිම සත්‍යයක් නැහැ. ඒ වගේම පක්ෂයේ සිදුකරන අභ්‍යන්තර කතාබහ පිටස්තරයට දියයුතු නැහැ. කෙසේනමුත් අපේ පක්ෂය තුළ කිසිම අර්බුදයක් තිබුණේ නැහැ.”
එජාපය ප්‍රමුඛ පෙරමුණ මෙතෙක් ගෙන ආ ප්‍රතිපත්ති තවත් සුබවාදී ලෙස වර්ධනය කර ඔක්තෝබර් මස 15 දින වනවිට ප්‍රතිපත්ති ප්‍රකාශයක් ආකාරයෙන් ජනතාවට ඉදිරිපත් කිරිමට බලාපොරොන්තු වන බව විදුලිබල බලශක්ති සහ ව්‍යාපාර සංවර්ධන අමාත්‍යවරයා කියා සිටියේ මට්ටක්කුලිය ප්‍රදේශවාසින්ගේ අවශ්‍යතාව සදහා ඉදිකිරීමට යෝජිත බහුකාර්ය මධ්‍යස්ථානයට මුල්ගල් තැබීම වෙනුවෙන් විස්ට්වයික් ක්‍රීඩාංගනයේ පැවති උත්සවයට එක්වෙමිනි.
ඉදිරි ජනාධිපතිවරණයේ ලක්ෂ 70ක පමණ ජන්ද ප්‍රමාණයක් ලබා ගනිමින් විජයග්‍රහණයක් ලබා ගැනීමට හැකි වනු ඇති බවට විදුලිබල බලශක්ති සහ ව්‍යාපාර සංවර්ධන අමාත්‍ය එක්සත් ජාතික පක්ෂ උපනායක රවී කරුණානායක වැඩි දුරටත් විශ්වාසය පළ කළේය.
Facebook Comments
