ජනාධිපතිවරණය අවලංගු කරන්න ඉල්ලු පෙත්සම්කරුට අධිකරණයෙන් අවවාද

0

ජනාධිපතිවරණය පැවැත්වීමට මැතිවරණ කොමිසම විසින් නිකුත් කරන ලද ගැසට් පත්‍රය බල රහිත කරන මෙන් ඉල්ලා ශ්‍රී ලංකා නිදහස් පක්ෂ ගාල්ල ආසන සංවිධායකවරයා ශ්‍රේෂ්ඨාධිකරණය හමුවේ ගොනු කළ පෙත්සම ඉවත දමමින් පෙත්සම්කරු හට තරයේ අවවාද කර තිබේ.

විජිත් මළල්ගොඩ ,ප්‍රීති පද්මන් සූරසේන සහ ගාමිණි අමරසේකරගෙන් සමන්විත ත්‍රිපුද්ගල විනිසුරු මඩුල්ල ඉදිරියේ 04 සිකුරාදා පෙත්සම කැඳවු අවස්ථවේදී එම පෙත්සම විභාගයට නොගෙනම නිෂ්ප්‍රභ කිරීමට විනිසුරුවරුන් තීරණය කළේය.

එහිදී පෙත්සම්කාර පාර්ශවයේ නීතිඥවරයා අධිකරණයට දන්වා සිටියේ මෙම කරුණට අදාළව අලුතින් පෙත්සමක් ඉදිරිපත් කිරීමට ඇති අයිතිය රඳවාගනිමින් වර්තමානයේ ගොනුකර තිබෙන පෙත්සම ඉල්ලා අස්කර ගැනීමට අවසර දෙන ලෙසයි.

එම අවස්ථාවේ ත්‍රිපුද්ගල විනිසුරු මඩුල්ලේ සභාපති විනිසුරු විජිත් මළල්ගොඩ පෙත්සම්කරුගේ නීතිඥවරයාට ශ්‍රේෂ්ඨාධිකරණය විහිළුවට නොගන්නා තරයේ අවවාද කර ඇති අතර අධිකරණය හමුවට පැමිණ වගකීමකින් තොරව සිදුකරන මෙවැනි විහිළු ක්‍රියා කිසිසේත්ම අනුමත කළ නොහැකි බව අවධාරණය කර ඇත.

වත්මන් ජනාධිපති මෛත්‍රීපාල සිරිසේන මහතා ඉකුත් 2015 වසරේ ජනවාරි මස 8 වන දා පැවති ජනාධිපතිවරණයේදී ජනාධිපතිවරයා වශයෙන් තේරී පත් වූයේ වසර හයක ධුර කාලයක් සඳහන් කරමින් ශ්‍රී ලංකා නිදහස් පක්ෂ ගාල්ල ආසන සංවිධායක ගාල්ල හිටපු නගරාධිපති මෙත්සිරි ද සිල්වා විසින් මෙම පෙත්සම ගොනු කරන ලදි.

මැතිවරණ කොමිසමේ සභාපති මහින්ද දේශප්‍රිය එම කොමිසමේ සාමාජිකයන් සහ නීතිපතිවරයා පෙත්සමේ වගඋත්තරකරුවන් ලෙස නම් කර තිබේ.

ජනාධිපති මෛත්‍රීපාල සිරිසේන විසින් මීට පෙර අවස්ථාවක දී ශ්‍රේෂ්ඨාධිකරණයෙන් තම ධුර කාලය පිළිබඳව මත විමසා සිටි අතර එහිදි 19වන ව්‍යවස්තා සංශෝධනයට අනුව වත්මන් ජනාධිපතිවරයාගේ ධුර කාලය වසර 5ක් බව දන්වා තිබුනි.

Facebook Comments

wedding people