පුද්ගලික වෛද්‍ය විද්‍යාලවලට විරුද්ධ නෑ- රාජිත

0

පුද්ගලික වෛද්‍ය විද්‍යාලවලට විරුද්ධ නොවන අතර සයිටම් දෙස දේශපාලනිකව නොබලන බව සම කැබිනට් ප්‍රකාශක, සෞඛ්‍ය,පෝෂණ හා දේශීය වෛද්‍ය අමාත්‍ය වෛද්‍ය රාජිත සේනාරත්න පවසයි.

අමාත්‍යවරයා ඒ බව ප්‍රකාශ කළේ, 15බදාදා කොළඹ, රජයේ ප්‍රවෘත්ති දෙපාර්තමේන්තුවේ පැවැති, අමාත්‍ය මණ්ඩල තීරණ දැනුවත් කිරීමේ මාධ්‍ය හමුවට එක්වෙමින් බවයි රජයේ ප්‍රවෘත්ති දෙපාර්තමේන්තුව පවසන්නේ.

“අද වෛද්‍ය පීඨවල පීඨාධිපතිවරු සියලු දෙනා හමුවෙනවා. සිදුව ඇති දේ පිළිබඳව සාකච්ඡා කරනවා. සයිටම් එක තියෙනවද නැද්ද කියන එක දේශපාලන ප්‍රශ්නයක්. තිබිය යුත්තේ ප්‍රමිතියයි. හොඳ වෛද්‍යවරයකු බිහි කිරීමයි අවශ්‍ය වන්නේ.මෙඩිකල් කවුන්සිලය මෙපමණ කල් මොනවද කළේ? 2008 සිට ස්ටෑන්ඩස් නෑ. ජි.එම්.ඕ එක මොකක්ද කළේ මෙච්චර කල්? මේක තමයි උසාවියේ තිබෙන ප්‍රශ්නය.ලෝ එකක් තියෙන්න ඔබ, බයි ලෝ එකක් එන්න. මම ප්‍රමිතීන් අරගෙන නීතිපති දෙපාර්තමේන්තුවට යැව්වා. එයටත් වසර එක හමාරක් පමණ ගත වෙලා” අමාත්‍යවරයා එහිදී ප්‍රකාශ කර තිබේ.

“මෙහි ඉගෙන ගන්නේ ඔක්කොම ශ්‍රී ලාංකික ශිෂ්‍යයන්. ඒක අනෙක් අයට අමතක වෙලා.එදා වෛද්‍ය සභාව, රජය ,සයිටම් ඔක්කොම එකට හිටියේ. අද මේ අය අපේ අැගේ ගහන්න හදනවා. ඒ අය හදපු දරුවා, අපිට මරන්න කියනවා. කේ.ඩී.ඒ එක ගේන්න වෙනම වෛද්‍ය ආඥා පනත සංශෝධනය කළා. විනාඩි හතළිස්පහයි .පිටු දෙකයි අවසරය තිබුණේ එදා. අද සයිටම් එකේ ප්‍රශ්නය මොකක්ද? අඳන් 1000කට වඩා පහසුකම් සහිත රෝහලක් තිබෙනවා. මේ විදියට ක්‍රමවේද වෙනස් කළ අය මේ කතා කරන්නේ”

“සයිටම් ගැන ක්‍රමවේදය එකයි.අපි පුද්ගලික වෛද්‍ය විද්‍යාලවලට විරුද්ධ නෑ.පාර්ලිමේන්තුවේ දී විමල් වීරවංශත් වැදගත් කතවක් කළා, පාර්ලිමේන්තුවේ දී. මේක උඩ කට්ටියක් ඉන්නවා 2020 බලයට පත්වෙන්න,මේ දරුවන්නේ ලේ වලින් තමන්ගේ රතු ධජය තව රතු කරගන්න තව කට්ටියක් ඉන්නවා කිව්වා.අපි එතන නෑ. කිව්වා.”

“මේ දරුවන්ට ප්‍රමිතිය සළකා විසඳුමක් දෙන්න කියලා. මෙය සංවේදී කාරණයක් කිව්වා. සංවේදීභාවය ඇත්ත. ඒ ශිෂ්‍යයන්ගේ කිසිම ප්‍රශ්නයක් නෑ. ඒ අයගේ ස්ථාවරය එදත් හිටියා. මේ දෙස මම දේශපාලනිකව බලන්නේ නෑ ”

“ඔය කියන නිදහස් අධ්‍යාපනය විශ්වවිද්‍යාලවල නෑ. නිදහස් අධ්‍යාපනය අපි කොටසකට ලබාදීලා තිබෙනවා. ඉතුරු කොටසටත් අධ්‍යාපනයටත් නිදහස ලබාදිය යුතුයි. අපි කුළියාපිටියෙත් වෛද්‍ය පීඨයක් හදනවා.රුහුණු විශ්වවිද්‍යාලයට අලුත් ගොඩනැඟිලි දුන්නා.හැමෝටම වෛද්‍ය අධ්‍යාපනයක් දෙන්න ලෝකයේ කාටවත් බෑ. දුප්පත් ළමයන්ට ණය ක්‍රමයක් දෙන්න, අයවැයෙන් ගෙනැල්ලා තිබෙනවා” යැයි ද අමාත්‍යවරයා වැඩි දුරටත් පවසා තිබේ.

Facebook Comments