සමාජ මාධ්‍ය ජාල නියාමනය කිරීමට නතර කිරීමට හෝ පාලනය කිරීමට රජයේ කිසිම අවධානයක් යොමුව නැතැයි සම කැබිනට් ප්‍රකාශක සහ ආණ්ඩු පක්ෂයේ ප්‍රධාන සංවිධායක පාර්ලිමේන්තු ප්‍රතිසංස්කරණ හා ජනමාධ්‍ය අමාත්‍ය ගයන්ත කරුණාතිලක පවසයි.
සමාජ මාධ්‍ය ජාල නියාමනය කිරීමේ ක්‍රමවේදයක් ලෝකයේ නොතිබෙන බව පෙන්වා දෙන ඇමතිවරයා ඒවා පරිහරණය කිරීම පිළිබඳව ජනතාව දැනුවත් කිරීම පමණක් රජයට කල හැකි බවයි පවසන්නේ.
සමාජ මාධ්‍ය ජාල නියාමනය කිරීමේ වැඩපිළිවෙලක් තිබේදැයි මාධ්‍යවේදියකු විමසූ ප්‍රශ්නයකට පිළිතුරු ලබාදෙමින් අමාත්‍යවරයා මේ බව ප්‍රකාශ කළේ, අද (15) රජයේ ප්‍රවෘත්ති දෙපාර්තමේන්තුවේ පැවැති අමාත්‍ය මණ්ඩල තීරණ දැනුම් දීමේ මාධ්‍ය හමුවට එක්වෙමිනි.
මේ අතර ලෝකයේ විශාලතම සමාජ වෙබ් අඩවිය වන ෆේස් බුක් පරිහරණය සඳහා වන නීතිමය රාමුවක් සැකසීමේ ප්‍රතිපත්තිමය තීරණයකට ඉදිරියේදී පැමිණෙන බව පාර්ලිමේන්තු ප්‍රතිසංස්කරණ සහ ජන මාධ්‍ය අමාත්‍යංශ ලේකම් නිමල් බෝපගේ පසුගියදා ප්‍රකාශ කර තිබුණි.
Facebook Comments
