අතුරුදහන් වුවන් පිළිබඳ කාර්යාලීය පනතට ජනපති අත්සන් තබයි

0

පාර්ලිමේන්තුව විසින් පසුගියදා සම්මත කරන ලද අතුරුදහන්වූවන් සම්බන්ධ කාර්යාලය පිහිටුවීමේ පනතට අත්සන් තැබූ බව ජනාධිපති මෛත්‍රීපාල සිරිසේන පවසයි.

සිය ට්විටර් පණිවුඩයක් තබමින් මේ බව පවසන ජනාධිපතිවරයා එය ශ්‍රී ලංකාවේ තිරසාර සාමයක් උදාකිරීම සඳහා වූ චාරිකාවේ තවත් ඉදිරි පියවරක් බැව් අවධාරණය කරයි.

පාර්ලිමේන්තුව විසින් පසුගිය වසරේ අගෝස්තු මාසයේ සම්මත කරන ලද අතුරුදහන්වූවන් සම්බන්ධ කාර්යාලය පිහිටුවීම සම්බන්ධ පනතට ජනතා විමුක්ති පෙරමුණ විසින් ඉදිරිපත් කරන ලද සංශෝධනය සම්මත කෙරුනේ මේ වසරේ ජුනි මාසයේදීය.

ඉදිරි කාලයේදී ජනාධිපතිවරයා යටතේ මෙම කාර්යාලය පිහිටුවා ෆවුසි අමාත්‍යවරයා යටතේ පාලන කිරීමට නියමිත බව ජනාධිපති ලේකම් කාර්යාල ආරංචි මාර්ග පවසයි.

 

Facebook Comments

wedding people