හැත්තෑවෙනි නිදහස් දිනයට සමගාමීව අත්‍යවශ්‍ය ආහාර ද්‍රව්‍ය හතක මිලගණන් වහාම අඩුකිරීමට පියවර ගත් බව කර්මාන්ත හා වාණිජ කටයුතු අමාත්‍ය රිෂාඩ් බදියුදීන් පවසයි.
ඒ අනුව බාස්මතී සහල් කිලෝව රුපියල් එකසීය විස්සක මිලකටත්, සුදුකැකුළු සහල් කිලෝවක් රුපියල් හැටක මිලකටත්, සුනුසාල් කිලෝවක් රුපියල් පනස් නවයක මිලකටත්, පරිප්පු කිලෝවක් එකසීය පනස් නවයක මිලකටත්, මුං ඇට කිලෝවක් රුපියල් එකසිය අනූපහක මිලකටත් ලොකු ලූණු කිලෝවක් රුපියල් එකසිය දහයක මිලකටත්, මිරිස් කරල් කිලෝව රුපියල් දෙසිය විස්සක මිලකටත් දිවයින පුරා පිහිටි ලංකා සතොස ශාඛා වලින් මිලදී ගත හැක.
මෙම මිල ගණන් අඩුකිරීම එළඹෙන පෙබරවාරි මස හත් වැනිදා දක්වා ක්‍රියාත්මක වන අතර දිවයින පුරා පිහිටි ලංකා සතොස මෙගා අලෙවිසැල් ඇතුළු ලංකා සතොස අලෙවිසැල් හාරසීය මගින් ලබාගත හැකි බව කර්මාන්ත හා වානිජ කටයුතු අමාතාංශයේ මාධ්‍ය ඒකකය නිවේදනය කරයි.
Facebook Comments
